LUKAS 9:29 - Sura' Madatu

²⁹ Marassanmo massambayang namembali tu rupanNa sia iatu pakeanNa mabussang pandillak-dillak.

LUKAS 9:29 ပူးပေါင်းရင်းမြစ်များ

YESAYA 33:17

La natiro matammu tu Datu situang kamala’biranNa sia la natiro undinna tu misa’ padang mandu kalua’.

YESAYA 53:2

Belanna tuomo dio oloNa Puang susi taruk mangura, sia susito uaka’ mentaruk dio to’ padang rangke, tae’ namelo sia mala’bi’ rupanna, anta la untiroi, ba’tu pa’kaleanna anta la ungkamali’i.

MATIUS 17:2

Membalimi tu rupanNa dio tingayona tinde tau, naparrang tu lindoNa susi allo, sia iatu pakeanNa mandu mabusssang susi arrang masiang.

MARKUS 16:12

Undinnato umpa’pekitananomi Kalena, apa umpasenga’ rupanNa, lako da’duai tinde tau, tonna male sola duai lako tondok salian.

LUKAS 3:21

Den pissan tonna popedio’ nasang kalena tu tau, Yesu didio’ duka, marassanmo massambayang, natibungka’ tu langi’.

LUKAS 5:16

Apa merrabunan tu Yesu male lako to’ kasalanna Namassambayang dio.

LUKAS 6:12

Den pissan tonna iato sunmi tu Yesu male lako misa’ tanete la massambayang. Iato bongi iato, situ’turan bang Ia bongi massambayang langngan Puang Matua.

LUKAS 9:18

Den pissan tonna torro misa tu Yesu massambayang sia anak gurunNa dio duka sola, Nakutanaimi tu anak gurunNa. Nakua: NasangaRa’ minda to buda?

LUKAS 9:30

Pakalan denmi da’dua tau Nasipa’kada-kadan, iamo Musa na Elia,

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

PENGGAURANNA RASULU’ 6:15

Iatonna pemarangai mintu’ to unno’ko’ lan kombongan tu Stefanus, natiromi tu rupanna susito rupa malaeka’.

KADA OMBO’ LAKO RASULU’ YOHANES 20:11

Pakalan kutiromi misa’ isungan kapayungan kapua mabusa, sia To unnisung dao, na iatu langi’ sola lino lanna’ dio mai oloNa, naurungan tae’mo inan diappa’ la nanii.