LUKAS 9:16 - Sura' Madatu

¹⁶ Naalami Yesu tu roti lima na bale da’dua. Namentingara langngan langi’ sia massambayang, Namane untepu-tepui, Nabenni anak gurunNa, anna patorroi dio tingayona to buda.

LUKAS 9:16 ပူးပေါင်းရင်းမြစ်များ

MATIUS 14:19

Nasuami tu to buda unno’ko dio to’ riu; Naalami tu roti lima na bale da’dua, Namentingara langngan langi’ sia massambayang, Namane untepu-tepui tu roti, Nabenni anak gurunNa, na anak gurunNa umben pole’i to buda.

MATIUS 15:36

Naalami tu roti pitu sia iatu bale, Nama’kurre sumanga’ Natepu-tepui, Nabenni anak gurunNa, na anak gurunNa pole’ o umbenni to buda.

MARKUS 7:34

Sia mentingara langngan langi’ Naumbussanan penaanNa sia Nakua lako tu tau: Effata, battuananna: Tibungka’ko.

LUKAS 22:19

Naalami tu roti Nama’kurre sumanga’, Natepu-tepui anNa benni, Nakua: Iamote tu batang kaleKu, tu dipa’bengan belanna kamu: Pogau’mi susite minii umpengkilalaiNa’.

LUKAS 24:30

Pakalan iatonna unno’ko’mo kumande sola tinde tau sola duai, Naalami tu roti, Napalakuanni kamatotoran, Natepu-tepui, Natadoanni.

LUKAS 9:15

Napogau’mi anak gurunNa susito; nasua nasang unno’ko’ tu tau mintu’.

LUKAS 9:17

Kumandemi sola nasangi, sadia’na. Naalami tau tu roti sesanna tu mangkanna ditepu-tepu sangpulo dua baka ponno.

YOHANES 6:11

Naalami Yesu tu roti, Nama’kurre sumanga’, Nataanni tu mintu’ to unno’ko’, susi dukato tu bale’-bale’, sangapa-apa nakamorai.

YOHANES 6:23

Den pole’omi ba’tu pira lembang senga’ sae lu dio mai Tiberias, sikandappi’ tu naninna tau ungkande roti tonna mangka tu Puang ungkurre sumanga’i.

PENGGAURANNA RASULU’ 27:35

Iatonna mangka ma’kada susito, naalami tu roti nama’kurre sumanga’ langngan Puang Matua dio tingayona mintu’ tau natepu-tepui anna kumande.

ROMA 14:6

Minda-minda tu ungkasiri’ allo, diona Puang nanii ungkasiri’i, sia minda-minda tu ungkandei, diona Puang nanii ungkandei, belanna ma’kurre sumanga’ lako Puang Matua; sia minda-minda tu tang ungkandei, diona Puang nanii tang ungkandei sia ma’kurre sumanga’ duka lako Puang Matua.

1 KORINTUS 10:30

Iake ma’kurre sumanga’na’ ungkandei, ma’apai anna sura’na’ tau diona tu apa kupa’kurre sumanga’i?

1 KORINTUS 11:24

sia iatonna mangka ma’kurre sumanga’, Natepu-tepui, Nakuami: Iamote tu batang kaleKu, tu dipa’bengan belanna kamu; pogau’mi susite, minii umpengkilalaiNa’.

1 SAMUEL 9:13

Iammi tama kota, ma’din siapa miappa’, namane kendek langngan inan madao la kumande. Belanna tae’pa nala kumande tu tau iato mai, ke tae’pi nasae, apa ia la umpassakkei tu kande pemala’ iato; mangkato namane kumande tu mintu’ to ditambai. Melo kendekmokomi totemo, belanna attu ia bangsiamote ammi la sitammu.