LUKAS 8:47 - Sura' Madatu

⁴⁷ Iatonna tiromi tinde baine, kumua tang naissanmo la umbunii, saemi ma’parondo-rondo, malinguntu’ dio tingayoNa, naakui lako dio tingayona to buda tu battuanna nanii ungkaka’I anna ta’pa umpomalekei.

LUKAS 8:47 ပူးပေါင်းရင်းမြစ်များ

PA’PUDIAN 2:11

Mengkaolakomi lako PUANG situang kamatakuran, sia sende paimankomi situang kama’parondoan.

PA’PUDIAN 38:9

Iate aku te bo’yo’ tonganna’ sia bonnongna’, sia urrantangna’ sarro belanna karossoanna penaangku.

PA’PUDIAN 66:16

E kamu sola nasang tu ungkataku’na Puang Matua, maikomi umperangii, la kuulelean tu apa Napogau’ lako tondon to batangku.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

HOSEA 13:1

Iake ma’kadai tu Efraim, tiramban tu tau, anna matande dio lu to Israel, apa natumang Baal, iamoto nakasalan, anna mate.

HOSEA 5:3

Kutandai tu Efraim sia tae’ duka nakarerungan tu Israel dio oloKu. Tonganna totemo ma’gau’ salamoko, e Efraim, sia urruttakkimoko kalemu, e Israel.

HABAKUK 3:16

Iatongku rangii tu iannato, ma’rundedemi tu ba’tengku, bannang dio oni iato anna ma’parondo tu pudukku, sia langgang tu bukungku, angku ma’parondo dio inan kunii bendan; moi susito la rapa’na’ umpeagii tu allo kapussakan, ke narampoi tu bangsa iato, tu ma’tuntunan sae ullaoikan.

MATIUS 28:8

Tikarami tinde mai baine male untampei tu liang situang kamatakuran sia kaparannuan kapua, namale ma’dondo-dondo la umpokadanni anak gurunNa Yesu.

MARKUS 5:33

Mataku’mi tinde baine sia ma’parondo, belanna naissan tu apa mangka dadi lako kalena nasae tukku malinguntu’ dio oloNa sia umpokada tonganni tu mintu’nato.

LUKAS 8:46

Nakuami Yesu: Den tau ungkaka’Na’, belanna Kusa’dingmo den tu kamatotoran sun lan mai Kaleku.

LUKAS 8:48

Nakuami Yesu lako tinde baine: Manassa kapatonganammumo umpatuoko, sule marampa’moko.

PENGGAURANNA RASULU’ 16:29

Umpalakumi palita tu sapiri, nama’dondo tama sia ma’paganggang, anna tukku umpennoloi tu Paulus sola Silas.

1 KORINTUS 2:3

Lanmo’ kalanggaran sia kamatakuran sia lendu’ ma’parondoku ussisolangkomi.

2 KORINTUS 7:15

Na iatu kala’karanna penaanna lako kalemi sakerangngan-rangnganna, belanna nakilalai tu kamengkaolammi sola nasang sia tumba tu kamitammuinna situru’ kamatakuran sia kama’parondoan.

FILIPI 2:12

Iamoto, e kamu mintu’ pa’kaboro’ku, susitu biasanna mengkaola bangkomi, tangia manna ke diona’ ren, sangadinna ondong pole’pa ke pa’dena’, karitutui tu kamakarimmanan kalemi situru’ kamatakuran sia kama’parondoan,

IBRANI 12:28

Iamoto, belanna untarimaki’ parenta tang tibendon, sipatuki’ ma’kurre sumanga’, anna tete inde to anta kullei menomba susitu Naporainna Puang Matua, naturu’ pa’pakaraya sia kamatakuran.

1 SAMUEL 16:4

Napogau’mi Samuel susitu kadanNa PUANG, anna male lako Betlehem. Pada saemi sipa’parondoan tu mintu’ pangulunna tondok iato, anna ma’kada nakua: Melo siaraka tu misaean?