LUKAS 8:43 - Sura' Madatu

⁴³ Denmi misa’ baine masaki, nakasunni nenne’ bang rara, sangpulo duamo taunna sia puramo tu apa-apanna napamalean to ma’dampi, apa moi misa’ tae’ duka umpapa’dei.

LUKAS 8:43 ပူးပေါင်းရင်းမြစ်များ

2 OSSORANNA DATU 16:12

Iatonna taun ma’pentallungpulo ngkasera kadatuanna Asa, kambang patomalimi tu lentekna, anna mandarra’ tongan tu sakinna. Apa moi masaki, tae’ nadaka’i Asa lako PUANG tu pa’tunduan, sangadinna lako to ma’dampi.

AYUB 13:4

Apa kamu to untannun kabuttokan, sia kamu sola nasang to ma’dampi tang tongan.

PA’PUDIAN 108:12

Tang Kamuraka, o Puang Matua, tu mangka ussualekan? Tae’moraka Mila sun ussolan mintu’ to pararingki, o Puang Matua?

YESAYA 2:22

Dadi da’mo ammi sande’ lako tolino, tu den penaa lan illongna, belanna apara la dinii unnangga’i?

MARKUS 12:44

Belanna iatu tau sola nasang la’binnapi nanii unnalai tu napatamanna, apa iate baine iate kataeranna napatama nasangi tu diona kalena tu la napotuona.

MARKUS 9:18

Umba-umba nanii unnalai, napessambakanni, anna pambura pudukna sia singgarigi’ isinna, sia matoro kalena. Namangkamo kupokadan anak gurumMi, kumua narambai sun, apa tae’ nabelai.

LUKAS 13:11

Denmi misa’ baine dio nataba deata, namasaki sangpulo karuamo taunna, mandumo tibungku tu boko’na, tang naissan liumo umpakalolo kalena.

LUKAS 13:16

Na iate baine iate anakna Abraham, nasangkin bang deata bulituk, aa sangpulo karuamo taunna, tang sipaturaka dirampanan dio mai sangkinna te allo katorroan iate?

LUKAS 8:27

Iatonna kendekmo langngan karangkeanna, saemi napessitammui misa’ tau dio mai tondok iato to nataba deata masussuk, masaimo tae’ nama’tamangkale natae’ bangmo natorro lan banua, sangadinna dio bang lu to’liang.

LUKAS 8:42

belanna den anakna baine, anak misa, agi-agi sangpulo duamo taunna dadinna, la mate mannamo. Iatonna male tu Yesu buda tau ussisi’pinNi.

LUKAS 8:44

Saemi dio boko’Na Yesu nakaka’i tu rombe-rombe sambu’Na, nata’pa radan tu rarana.

YOHANES 9:1

Iatonna lendu’, Nakitami tu tau misa’ buta tempon dio mai dadinna.

YOHANES 9:21

apa tumbai anna pakitamo totemo, tae’ kami kiissanni, ba’tu minda umpamillikki tu matanna tae’ duka kami kiissanni. Kutanai ia lako, nakasalle siamo, tang la iaparaka ia umpokadai tu kalena.

PENGGAURANNA RASULU’ 3:2

Denmi misa’ to kupi’ natuang lan mai tambukna indo’na nabulle tau; kiallo-kiallo dipadio bang to’ ba’ba Banua Kabusungan, tu disanga Ba’ba Ballo, malaku-laku lako to tama Banua Kabusungan.

PENGGAURANNA RASULU’ 4:22

Belanna iatu to nanii umpogau’i lako kalena tu tanda mangnga anna maleke, la’bimo patangpulo taunna dadinna.