LUKAS 8:42 - Sura' Madatu

⁴² belanna den anakna baine, anak misa, agi-agi sangpulo duamo taunna dadinna, la mate mannamo. Iatonna male tu Yesu buda tau ussisi’pinNi.

LUKAS 8:42 ပူးပေါင်းရင်းမြစ်များ

AYUB 4:20

Tau iato mai dinisak-nisak lan pangallaranna masiang na bongi, tu sanggang sae lakona anna tae’ naissanni tau.

TOMANGADA’ 6:12

Mindara untandai tu apa napomelona tolino lan katuoan iate, lan allo katuoan sangattu’ na, tu tae’ gai’na, tu tuo lan sangattu’ sangtinti bayo-bayo? Belanna mindara ma’din la umpokadanni tolino tu apa la dadi undinna lako kalena lan naarrang matanna allo?

YEHEZKIEL 24:16

E ma’rupa tau, la Kuala dio mai kalemu tu apa naporai matammu tete dio kamatean tang dikapang, apa tae’ ammu umbating sia tumangi’ sia umpato’do uai matammu.

YEHEZKIEL 24:25

Na iko, e ma’rupa tau, manassa allo iato la Kunii unnalai tu oto’ kamatotoranna tau iato mai, tu kamala’biran naposende, tu apa naporai matanna sia nakamali’ penaanna, iamotu mintu anakna muane sia anakna baine,

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

MARKUS 5:24

Malemi sola, nabuda tau undi urrundu’I sia ussisi’pinni.

LUKAS 7:12

Iatonna reke’mi tu babangan tondok, denmi misa’ to mate dio sun nabulle tau; iatu pia anak misa dio indo’na, baluomi tu indo’na; buda tau lan mai tondok sae unturu’i.

LUKAS 8:41

Saemi misa’ tau disanga Yairus, iamo kapala banua pa’kombongan, tukku malinguntu’ rokko to’ lentekNa Yesu sia napalaku lako, kumua anNa sae dio to’ banuanna,

LUKAS 8:43

Denmi misa’ baine masaki, nakasunni nenne’ bang rara, sangpulo duamo taunna sia puramo tu apa-apanna napamalean to ma’dampi, apa moi misa’ tae’ duka umpapa’dei.

LUKAS 8:45

Nakuami Yesu: Minda ungkaka’Na’? Iatonna meongan nasangmo nakuami Petrus: O Guru, to buda bangsia ungkasaKomi.

ROMA 5:12

Iamoto tumbai tu kasalan mangkamo tama te lino, belanna misa’ tau, sia kamatean belanna kasalan, sia susi duka tu rampona kamatean lako mintu’ tolino, iamoto anna kasalan nasang mintu’ tolino –,