LUKAS 8:37 - Sura' Madatu

³⁷ Napalaku nasangmi tau dio tondok Gerasa lako Yesu, kumua, anNa toyang-toyang dio mai kalena, belanna budamo kamatakuranna sola nasang. Malemi tu Yesu rokko lembang, Namale sule.

LUKAS 8:37 ပူးပေါင်းရင်းမြစ်များ

1 DATU 17:18

Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

MATIUS 8:34

Sangsunammi tu mintu’ pa’tondokan umpellambi’i Yesu; iatonna tiromi, mengkamoya-moyami lako kumua anNa soro’ lan mai lili’na tondokna.

MARKUS 5:17

Randukmi tinde tau umpalakui lako Yesu kumua anna soro’ lan mai lili’na tondokna.

LUKAS 10:16

Minda-minda tu umperangiikomi, ia dukamo umperangiiNa’ na minda-minda tu untumpukomi, ia dukamo untumpuNa’, na iatu to untumpuNa’, iamo untumpui tu To mangka ussuaNa’.

LUKAS 5:8

Iatonna tiromi Simon Petrus tu iannato, lumbangmi rokko to’ guntu’Na Yesu, nakua: O Puang, toyang-toyangKomi dio mai kaleku, belanna aku te to kasalanna’!

LUKAS 8:28

Iatonna tiromi tu Yesu, melallak-lallakmi nasongka dio tingayoNa sia bassa’ bang metamba-tamba, nakua: La siapariki’ e Yesu, AnakNa Puang Patodoranna? Kupalaku lako Kalemi da Mipakario-riona’.

LUKAS 8:36

Sia iatu mintu’ to mangka untiroi unnuleleanni lako tau tu kadirampananna tinde to nataba deata.

LUKAS 8:38

Iate to nanii soro’ deata lan mai kalena, napalaku lako Yesu, kumua, anna torro sola, apa Nasua Yesu male, Nakua:

LUKAS 9:5

Minda-minda tu tae’ natarimakomi, iammi sun lan mai kota iato, pentambakanni tu barra’-barra’ dio pala’ lentekmi, tanda sa’bi salana tu tau.

LUKAS 9:56

Pakalan namalemo lako misa’ tondok senga’.

PENGGAURANNA RASULU’ 16:39

Saemi unnaran-naranni sola duai; anna solanni lako salian napalakui kumua anna soro’ lan mai tondok iato.

PA’TOLE 5:25

Apa ma’apai anta la mate totemo? Belanna iate api kapua la umballaki’; iake masaipiki’ urrangi gamaranNa PUANG, Kapenombanta, manassa la mateki’.

1 SAMUEL 6:20

Nakuami tu to Bet-Semes: Mindara umbelai la bendan dio oloNa PUANG, tu kapenomban maindan susite? Namindamora la Nanii tilele dio mai kaleta?