LUKAS 8:33 - Sura' Madatu

³³ Sangsunammi lan mai kalena tinde tau, nalu tama bai; sipettu’mu’-tu’mu rammi tinde bai dao mai aya’ mi’lan rokko tasik, namate malammu’.

LUKAS 8:33 ပူးပေါင်းရင်းမြစ်များ

MATIUS 8:32

Nakuami ungkuanni tu deata masussuk: Laomokomi. Sangsunammi tu deata masussuk nalao untamai tu bai, nasipettu’mu’-tu’muran nasang tu bai sangtuntunan dao mai aya’ mi’lan rokko tasik namate malammu’ diong to’uai.

LUKAS 5:1

Den pissan nasisuang-suang tu tau lako Yesu, la umperangii kadanNa Puang Matua, tonna bendan dio randan tasik Genesaret.

LUKAS 8:32

Denmi sangtuntunan bai dio undaka’ kandena dao tanete. Napalakumi deata, kumua, Naeloranni untamai tu bai. Napopa’elo’nami.

LUKAS 8:34

Iatonna tiromi to mangkabi’na tu apa mangka dadi, sipa’dondo-dondoammi male umpokadai tama kota sia dio lu kampong.

YOHANES 8:44

Kamu te bu’tu diokomi mai ambe’mi deata bulituk, sia mintu’ tu kamoraianna ambe’mi mipeolai. Iamo papongko tolino tempon dio mai mulanna, tang unnola salunna, belanna tae’ kamanapparan dio kalena. Iake ma’kada mo’rangi, napasiolanan tu kedona umpokadai, belanna ia mo’rang, sia ambe’ kamo’rangan.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

KADA OMBO’ LAKO RASULU’ YOHANES 9:11

Sia umpodatu malaeka’na garonggong posi’ tana lambe’, lan basa Ibrani disanga Abadon, sia lan basa Grika disanga Apolion.