LUKAS 8:15 - Sura' Madatu

¹⁵ Na iatu lu rokkona padang lunak, iamotu tau, ianna rangimi tu kada, napalanmi penaa matoto’na sia penaa malolona sia napatontong namembua melo.

LUKAS 8:15 ပူးပေါင်းရင်းမြစ်များ

PA’PUDIAN 119:11

Iatu kadamMi kuanna rara’ lan batu ba’tengku, dikua da angku kasalan mati’ Kalemi.

PA’PUDIAN 51:10

Parangii polena’ kasendean sia kaparannuan, anna sila’tekan tu mintu’ buku lampa mangka Minisak-nisak.

SARAMBU PEADA’ 3:1

E anakku, da mutang kilalai tu pa’pangada’ku sia la nakaritutui penaammu tu mintu’ pepasanku,

YEREMIA 15:16

Umba-umba kunii unnapparan kadamMi, kukande sia iatu kadamMi kuporannu sia naposende penaangku; belanna iatu sangamMi disa’buranna’, o PUANG Kapenombanna mintu’ ma’dandan maritik.

YEREMIA 31:33

Iamote tu basse tu la Kutanan sola to Israel undinna na allo iate, kadanNa PUANG Nakua: Aku la umpalanni ba’tengna tu Sukaran alukKu sia la ussura’i to lan penaanna, anna Aku la dadi Kapenombanna na tau iato mai la dadi taungKu.

YEREMIA 32:29

Iatu mintu’ to Kasdim, tu urrarii te kota iate la male tama anna padukkui api sia naballa sola tu mai banua, tu dao bubunganna nanii tau iato mai untunu pemala’ lako Baal sia umpemalaran pemala’ pantedok lako Kapenomban senga’, tu napobannang tau iato mai umpa’dikki penaangKu.

MATIUS 24:13

Apa minda-minda tu mengkabatta’ sae lako ma’katampakanna, iamo la dikarimmanni.

LUKAS 11:28

Apa Nakua Yesu: Ia ria maupa’ tongan tu mintu’nato umperangii kadanNa Puang Matua sia ungkaritutuinnai.

LUKAS 6:45

Iatu to melo penaanna, umpasun siami melona dio mai anggenna melona lan lu batu ba’tangna, na iatu to kadake penaanna, umpasun siami kadakena dio mai anggenna kadakena lan lu batu ba’tangna. Belanna kala’biammira diong penaa anna sun dio puduk.

LUKAS 8:14

Na iatu rondonna tama to’ tangnga duri, iamotu tau umperangii na samasai-sainna sanatalo-taloinna kamasarasan na kasugiran na kaparannuan lan te lino, dadi tae’ namembua tongan.

LUKAS 8:16

Moi misa’ tau tae’ duka, ke untutungi dama’ anna la ussarongi apa-apa, ba’tu la napadiongi sulluk kamammaran, sangadinna dipadao tongkonanna, anna tiroi tau tu dukkunna, ke tamai.

YOHANES 14:15

Iake mikamali’Na’, la mikaritutui tu mintu’ parentaKu.

YOHANES 15:10

Iake ungkaritutuikomi mintu’ parentaKu, manassa tontongkomi lan pa’kaboro’Ku, susi Aku mangkamo ungkaritutui mintu’ parentaNa Ambe’Ku sia tontong lan pa’kaboro’Na.

ROMA 2:7

iamotu katuoan sae lakona Napapakkananni tu to umpengkaolai kameloan undaka’i tu kamala’biran sia kadipangkeran sia apa tang narandanna kasanggangan,

ROMA 6:22

Apa totemo iammi mangka dipopentorro to makaka dio mai kasalan, sia dipopengkaunan lako Puang Matua, la unnappa’komi bua umpabu’tu kamaseroan, nama’katampakanna katuoan sae lakona.

ROMA 7:18

Belanna kuissan, kumua tae’ lan kaleku iamotu lan pa’kaleangku, tu melona misa’ duka; belanna iatu pa’poraian den sia dio kaleku, apa iatu umpogau’i tu melona, tae’.

ROMA 7:4

Susi dukato, e sangsiulurangku, kamu te dipamatekomi mitilendok dio mai Sukaran aluk tete dio batang kalena Kristus, kumua anna to senga’ umpoissankomi, iamotu To mangka dipamalimbangun dio mai to’ to mate, anta pabu’tuanni Puang Matua tu buanna.

ROMA 8:25

Apa iake urrannuangki’ apa tang mempayan lako kaleta, batta’ penaanta umpeagii.

1 KORINTUS 7:19

Iatu disunna’ tae’ patunna, sia iatu tang disunna’ tae’ patunna, sangadinna iari tu ungkanannangi parentaNa Puang Matua.

EFESUS 2:8

Belanna tete dio kamaturu-turuan iato ammi dikarimmanni diona kapatonganan, anna iatu iannato tangia tuo dio mai kalemi, sangadinna pa’kamaseanNa Puang Matua,

PA’TOLE 30:6

Sia PUANG, Kapenombammu, la ussunna’i tu penaammu sia penaanna bati’mu, muurunganni ponno penaammu sia kalebu deatammu ungkamasei PUANG, Kapenombammu, ammu marendeng-rendeng.

FILIPI 1:11

Sia naponnoikomi bua kamalamburan tete dio Yesu Kristus, umpabu’tuan kamala’biran sia kadipudian Puang Matua.

KOLOSE 1:10

kumua anna pato’ lako Puang tu gau’mi, anNa poraikomi lan mintu’na, ammi pabu’tu bua lan mintu’ gau’ melo, sia sakerangngan-rangnganna kauntandaiammi Puang Matua.

KOLOSE 1:6

tu ullambi’mokomi, susitu lannamo mintu’ lino, tu membua sia sakerangngan-rangnganna, susi dio kalemi, randuk dio mai miranginnamo sia mitandainna tonganmo tu pa’kamaseanNa Puang Matua,

IBRANI 10:36

Belanna sipato’komi unnampui kabantangan penaa, dikua anna iake mangkamokomi umpogau’i tu pa’poraianNa Puang Matua, ammi appa’i tu apa diallu’.

IBRANI 2:1

Iamoto la losong tapalan ara’ tu mintu’na apa mangka tarangi, dikua da anta tipero’ senga’.

YAKOBUS 1:4

Sipatu tu kabantangan la landa’ lako ma’kalolokanna, dikua ammi sundun sia tang attangan, nalan mintu’nato tae’mo sayuammi.

1 YOHANES 2:3

Dionamote taissanni kumua tatandaimo, iake takaritutui tu parentaNa.