LUKAS 7:47 - Sura' Madatu

⁴⁷ Iamoto Kukua mati’: Mintu’na sala-budanna dipa’dei nasangmo, belanna umpa’pekitanan buda kamamasean, apa minda-minda sidi’ri kadipa’deianna kasalanna, sidi’ dukari kamamasean napa’pekitanan.

LUKAS 7:47 ပူးပေါင်းရင်းမြစ်များ

YESAYA 1:18

Ammi mane male mai ma’tutu Kupaolaikomi salu, kadanNa PUANG, moi anna susi kaseda tu kasalammi, manassa la memmabusa susi ambun makko, moi anna mararang susi karamisi, manassa la memmabussang ten to bulu domba.

YESAYA 55:7

Melo ke untampei lalanna tu to tang mekaaluk sia untampe tangnga’na tu to kelok penaanna, anna mengkatoba’ lako PUANG, Nakaturu-turui Puang, sia mengkatoba’ lako Kapenombanta, belanna inang mamase liu ma’pagarri’.

YEHEZKIEL 16:63

ammu mengkilala sia masiri’ sia anna diona siri’mu ammu tang umbungka’ pudukmu –, ke Kupadenni tu pengkalossoran diona mintu’ apa mangka mupogau’, kadanNa Puangta PUANG.

MIKHA 7:19

Manassa Puang la ungkamasei pole’ki’, sia Iamo la ullullu’i tu mintu’ kakadakeanta. Manassa la Mitibe tu mintu’ kasalangki rokko tasik mandalan.

MATIUS 10:37

Minda-minda tu umpalosong ambe’na ba’tu indo’na nakamali’ na Aku, tae’ nasipatu lako Kaleku; sia minda-minda tu umpalosong anakna muane ba’tu anakna baine nakamali’ na Aku, tae’ nasipatu lako Kaleku.

LUKAS 7:39

Iatonna tiroi to Farisi untoratu Yesu tu iannato, nakuami lan penaanna: Iakenna la nabi te Tau iate, manassa Natandai, mindara, sia baine apara te, tu ussapui lako, belanna ia tinde baine to kadake gau’na!

LUKAS 7:46

Sia tae’ mipalangnganni minna’ tu ulungKu, apa iate baine sae rokko lette’Ku napalakoi duka minna’ pandere’.

LUKAS 7:48

Namane ma’kada lako tu baine: Dipa’deimo tu kasalammu.

PENGGAURANNA RASULU’ 5:31

Iamora Te tu napakalangka’ lima kananNa Puang Matua mendadi Pangulu sia To pakarimmanan la umpa’kamasean katobaran lako to Israel sia kadipa’deian kasalan.

ROMA 5:20

Undinna tamaomi tu Sukaran aluk, kumua nasakerangngan-rangnganna tu kasalan; apa umba-umba nanii sakerangngan-rangnganna kasalan, indemoto nanii samallean-leanna pa’kamasean,

2 KORINTUS 5:14

Belanna napatundukkan tu pa’kaboro’Na Kristus, tu kikanassai kumua matemo tu Tau misa’ tu belanna iatu mintu’ tau, iamora bannangnato anna matemo sola nasangi.

GALATIA 5:6

Belanna iake sirapumoki’ Kristus Yesu, la umpogau’ ba’tu tang umpogau’ sunna’, tae’ kuasanna, sangadinna kapatonganan tu napakedo pa’kaboro’.

EFESUS 6:24

Narondongmira pa’kamaseanNa Puang Matua tu mintu’ to umpakaboro’i pa’kaboro’ tang sitiro kasanggangan tu Puangta Yesu Kristus.

FILIPI 1:9

Na inde sia tu kupalaku, dikua anna sakerangngan-rangnganna tu pa’kaboro’mi diona kapatandaian sia mintu’ kapaissanan.

1 TIMOTIUS 1:14

Apa iatu kamaturu-turuanNa Puangta tarru’ lempan tonganmo sisola kapatonganan sia pa’kaboro’ tete lan Kristus Yesu.

1 YOHANES 1:7

Apa iake lolangki’ lan kamaseroan, susi Ia torro lan kamasiangan, manassa denmo kasiturusanta sola nasang, sia raraNa Yesu, AnakNa, usseroiki’ dio mai mintu’ kasalan.

1 YOHANES 3:18

E anakku, da tama’pakaboro’ kada ba’tu puduk bangri, sangadinna la situang penggauran sia kalantukan tongan.

1 YOHANES 4:19

Ma’pakaboro’ki’, belanna Napakaboro’ki’ Puang dolo.

1 YOHANES 5:3

Belanna iamo kamamaliran lako Puang Matua, ke dikaritutui tu mintu’ parentaNa; iatu mintu’ parentaNa tae’ namagasa.