LUKAS 7:44 - Sura' Madatu

⁴⁴ Messailemi lako baine iato Nama’kada lako Simon, kumua: Mitiroraka te baine? Aku te tamaNa’ banuammi, natae’ bang mibenNa’ uai Kubasean lentekKu, apa iate tau iate nabasei uai matanna tu lentekKu, napa’dii beluakna.

LUKAS 7:44 ပူးပေါင်းရင်းမြစ်များ

KADADIAN 18:4

Da’ito anna baangki’ uai tau sidi’ la tabasean lette’ta, tasissare-sare indete to’ garonto’ kayu.

KADADIAN 19:2

Nama’kada nakua: Melo ke lempangi tu puang lako to’ banuangku anta ma’bongi dio, nadibaseimora tu lentekna puang, namasiangpa melambi’ anta ke’de’ male umpatarru’ lalanta. Mebalimi sola duai nakua: Tae’, sangadinna la ma’bongi diokan to’ pasa’.

KADADIAN 43:24

Nasolammi sola nasangi tama banuanna Yusuf anna benni uai anna baseanni lentekna sia napakande duka tu mintu’ keledainna.

2 SAMUEL 11:8

Mangkato nakuami Daud lako Uria: Mengkalaomoko ammu sule lako banuammu sia basei tu lette’mu. Iatonna tassu’mo tu Uria lan mai tongkonan layukna datu, undimi tau umbanni tu pamenganna datu.

LUKAS 7:38

Saemi dio boko’Na Yesu, narampo tumangi’ diong to’ lette’Na, sae lako napabonakki uai matanna tu lentekNa, napa’dii beluakna, naudungi tu lentekNa, namane umpalakoi tu minna’ pandere’.

LUKAS 7:43

Nakuami Simon mebali: Kusanga, ia siamo tu budanna indanna. Nakuami Yesu lako: Tonganna tu passangammi.

YOHANES 13:5

Namangka to Natua’mi tu uai rokko loyang, Naparandukki umbasei tu lentekna anak gurunNa, Napa’dii sampin Napotambeke’.

1 TIMOTIUS 5:10

sia iatu kaleleanna diona penggauran melo, belanna ungkaritutui anakna, sia ungkarimmanni to lendu’, sia umbasei lentekna to massallo’, sia untundui to narua sussa, sia umpengkullei mintu’ penggauran melo.

YAKOBUS 2:6

Apa kamu te mangkamokomi unne’sek to bongko. Tang to sugi’raka umpakario-riokomi sia urrendenkomi lako olona to mangra’ta’ kara-kara?

TO PARENGNGE’ 19:21

Nasolammi tu tau iato tama banuanna, anna pakandei tu mai keledai; umbaseimi lette’na sola tallu’i, namane kumande sia mangiru’.

1 SAMUEL 25:41

Ke’de’mi tu Abigail anna tukku sae rokko padang, nakua: Melo ke ia te taunna puang mendadi kaunan la umbasei lette’na taunna puangku.