LUKAS 7:40 - Sura' Madatu

⁴⁰ Mebalimi Yesu lako Nakua: E Simon! den kada sangbuku la Kupokadangkomi. Nakuami: Io, guru, pokadami.

LUKAS 7:40 ပူးပေါင်းရင်းမြစ်များ

1 DATU 2:14

Mangkato, ma’kadami nakua: Den sangbuku kada la kuparampo lako kalemi. Mebalimi tu Batsyeba nakua: Pokadami.

YEHEZKIEL 33:31

Rampomi tu tau iato mai mati’ kalemu ma’lole’-lole’, anna unno’ko’ dio tingayomu susito kombongangKu sia naperangi tu kadammu, apa tae’ naturu’i; kada kaboro’ lan sadangna, apa iatu penaanna umparinaa-naa bang saro bu’tu kadake.

MALEAKHI 1:6

Iatu pia muane ungkasiri’ ambe’na, sia misa’ kaunan ungkasiri’ puangna. Iate Aku te, ke misa’Na’ Ambe’, umbanii tu pa’pakaraya lako Kaleku? Sia iate Aku te ke misa’Na’ Puang, umbanii tu kamatakuran lako Kaleku? kadanNa PUANGna mintu’ ma’dandan maritik lako kalemi, e mintu’ to minaa, tu umpamatuna sangangKu. Moi susito, ma’kadakomi mikua: Apara kipotete umpamatuna sangamMi?

MATIUS 26:49

Attu ia bangsiamoto nasae lako Yesu sia nakua: SiriaKomi kamarampasan, Guru! namane unnudungi.

MATIUS 7:22

Iapi to allo iato anna buda tau ma’kada lako Kaleku kumua: O Puang, o Puang!, tang tete dioraka sangamMi angki mangada’i, sia tete dio sangamMi angki rambai deata bulituk sia tete dio sangamMi, angki pogau’ buda tanda mangnga?

LUKAS 18:18

Denmi misa’ to kapua mekutana lako nakua: O Guru masokan, apara tu sipatu la kupogau’, angku pomana’ katuoan sae lakona?

LUKAS 5:22

Iatonna issanmi Yesu tu pa’tangngaranna tinde tau sola nasang, Nakuami: Apara mitangnga’-tangnga’ lan penaammi?

LUKAS 5:31

Mebalimi Yesu, Nakua: Tae’ naanga’i to maleke tu to ma’dampi, sangadinna to masakiri.

LUKAS 6:8

Apa natandai Yesu tu lalan penaanna tinde tau, Nakuami ungkuanni tu to kope limanna: Ke’de’ko ammu bendan lan tangnga! Ke’de’mi nabendan.

LUKAS 7:39

Iatonna tiroi to Farisi untoratu Yesu tu iannato, nakuami lan penaanna: Iakenna la nabi te Tau iate, manassa Natandai, mindara, sia baine apara te, tu ussapui lako, belanna ia tinde baine to kadake gau’na!

LUKAS 7:41

Nakuami Yesu: Den da’dua tau kaindanan lako misa’ to umpa’peindanan doi’, misa’ kaindanan saratu’ ringgi’ na misa’ sangpulo.

YOHANES 13:13

Kamu te misa’bu’ GuruNa’ sia Puang, natonganna tu kadammi, belanna Aku tonganmo.

YOHANES 16:19

Naissanmi Yesu kumua la morai mekutana lako, Nakuami, ungkuanni: Misitimbang-timbangi misaraka tu iannato, tu Kukua: Sattu’mora anna tae’mo mikitaNa’, sia tae’ dukamora nasangapa mikitaMo’?

YOHANES 16:30

Totemo kiissan kumua mintu’ apa Mitandai sia tae’mo namanggi’ tau mekutana lako Kalemi; Iamoto angki patonganni kumua lu dioKomi mai Puang Matua.

YOHANES 3:2

Sae bongi lako Yesu, nakua lako: O Rabi, kiissan kumua Kamumo misa’ guru lu dio mai Puang Matua, belanna tae’ ia misa’ tau ma’din umpogau’i tu tanda kalle-kallean susitu Mipogau’, ke tae’i Narondongi Puang Matua.