LUKAS 7:34 - Sura' Madatu

³⁴ Saeomi Anak rampan dilino kumande sia mangiru’, mikuaomi: Tiromi iti’ to barak misa’ sia pa’anggoro’, sangmanena passima sia to kadake gau’na.

LUKAS 7:34 ပူးပေါင်းရင်းမြစ်များ

MATIUS 11:19

Totemo saemo Anak rampan dilino kumande sia mangiru’, nakuaomi tau: Tiromi iti’ to barak sia pa’anggoro’, sangmanena passima sia to kadake gau’na. Apa iatu kakinaan natonganni penggauranna.

MATIUS 5:46

Belanna iake unnala masekomi to ungkamaseikomi, apara poleanna lako kalemi? Tang napogau’ dukaraka passima susi to?

MATIUS 9:11

Iatonna kitai to Farisi tu iannato nakuami ungkuanni tu anak gurunNa: Ma’apari tu gurummi Nakumandera sisola passima sia to kadake gau’na?

LUKAS 11:37

Iatonna marassanmo tu Yesu ma’kada, saemi misa’ to Farisi untambai tama banuanna kumande, Namale tama Naunno’ko’ kumande.

LUKAS 14:1

Den pissan tonna tama Yesu lan banuanna misa’ pangulu to Farisi la ungkande roti siappa’ allo katorroan, napenniroi bangmi tau.

LUKAS 15:2

Sipa’nuku-nukuammi tu mintu’ pandita Sura’ sia to Farisi, nakua: Na iate Tau te untarima to kadake gau’na, sia kumande sola.

LUKAS 19:7

Sipa’nuku-nukuammi tu mintu’ to untiroi tu iannato, nakua: Naloo Ia lempang lako to’ banuanna to kadake gau’na.

LUKAS 5:29

Natoratumi Lewi tu Yesu umpogau’ pa’maruasan kapua lan banuanna; buda passima sirampun dio sia tau senga’ kumande ma’talimbungan sola.

LUKAS 7:33

Belanna sae Yohanes Pa’dio’ natae’ nakande roti sia unniru’ anggoro’ mikuami: Nataba deata bulituk.

LUKAS 7:35

Apa iatu kakinaan natonganammo mintu’ anakna.

LUKAS 7:36

Den misa’ to Farisi untambai Yesu sae kumande ma’talimbungan sola; tamami lan banuanna to Farisi, Naunno’ko’ kumande.

YOHANES 12:2

Natoratumi dio tu Yesu, na Marta ma’parakai; iatu Lazarus iamo misa’ Nasolan Yesu unno’ko’ kumande.

YOHANES 2:2

Iatu Yesu sola anak gurunNa ditambai duka lako tu pa’maruasan to ma’kapa’.