LUKAS 7:33 - Sura' Madatu

³³ Belanna sae Yohanes Pa’dio’ natae’ nakande roti sia unniru’ anggoro’ mikuami: Nataba deata bulituk.

LUKAS 7:33 ပူးပေါင်းရင်းမြစ်များ

MATIUS 10:25

Madaoammo tu to digurui ke pada-padai gurunna, ten dukato tu kaunan anna puangna. Iake nasangai tau Beelzebul tu ampu banua, ontong pissanpa tu to lan banuanna.

MATIUS 3:1

Iatonna attu iato saemi tu Yohanes Pa’dio’ mangada’i dio padang pangallaran Yudea,

MATIUS 3:4

Iatu pakeanna Yohanes bulu unta, sia iatu salipi’ lan ayakna balulang, anna iatu kandena batik sia tallo’ merang pangala’.

MARKUS 1:6

Iatu pakeanna Yohanes bulu unta sia iatu salipi’ lan ayakna balulang anna iatu kandena batik sia tallo’ merang pangala’.

LUKAS 1:15

Belanna ia la kapua dio oloNa Puang sia tae’ nala unniru’ uai anggoro’ ba’tu apa palangona ke diiru’i sia iamo la Naponnoi Penaa Masallo’ tempon dio mai natambukna indo’na.

LUKAS 7:32

Manassa iamo susi pia’-pia’ unno’ko’ dio pasa’ nasitamba-tamban, nakua (ma’londe): Mangkamokan umpa’gandangangkomi natae’ bang miunnondo; Kimane umbating, natae’ bang mitumangi’.

LUKAS 7:34

Saeomi Anak rampan dilino kumande sia mangiru’, mikuaomi: Tiromi iti’ to barak misa’ sia pa’anggoro’, sangmanena passima sia to kadake gau’na.

YOHANES 10:20

Budai tu kumua: Nataba deata masussuk nabomboan, ma’apai kamu ammi perangii?

YOHANES 8:48

Mebalimi tu to Yahudi sia nakua lako: Tang tongannaraka tu kipokada kumua to SamariaKomi sia natabaKomi deata masussuk?

YOHANES 8:52

Nakuami tu to Yahudi lako: Totemo kiissan pissanmo kumua natamaiKomi deata masussuk. Iatu Abraham sia mintu’ nabi mate nasangmo, ammi kuami kamu: iake denni tau ungkaritutui kadangku, tae’ nala sikita len kamatean sae lakona.

PENGGAURANNA RASULU’ 2:13

Apa iatu tau pira nasitelle-tellei, nakua: Tarru’ pangiru’ ria unniru’ anggoro’ matanning.