LUKAS 7:25 - Sura' Madatu

²⁵ Apara pale’ tu mangka loo mitiro? Tau ma’pakean meloraka? Iatu to ma’pakean melo sia unnappa’ mintu’na mammi’na, lan sia banuanna datu.

LUKAS 7:25 ပူးပေါင်းရင်းမြစ်များ

2 SAMUEL 19:35

Totemo karuamo’ pulona taunna, umbapa la kukua umpasisengaranni tu kadake anna melo? Umbapa la kukua umpemammi’i marasanna tu apa la kukande sia kuiru’? Umbapa la kukua urrangi tu gamaranna to menani muane sia baine? Apaopa gai’na la kupamagasa tu puangku, datu?

1 DATU 10:5

sia mintu’ kande dao medana, sia kao’koranna to mase’ponna sia bendanna mintu’ to ma’kamayana sia pakeanna tau iato mai, sia mintu’ apa nairu’ sia pemala’ ditunu pu’pu’na tu biasa napennoloan lan banuanNa PUANG, pa’de deatami tu datu baine iato.

2 DATU 1:8

Mebalimi tu tau iato mai lako datu, nakua: Iato tau iato ma’bayu lamba’ balulang, sia se’ aak kuli’ lan aakna. Ma’kadami datu nakua: Iato tau iato Elia, to Tisbe.

ESTER 1:11

kumua anna solanni tu Wasti, datu baine sae umpennoloi datu, ma’makota kadatuan, la umpa’pekitananni tu kamaballoanna lako mintu’ bangsa sia mintu’ arung, belanna ia misa’ to melo garaganna.

ESTER 1:3

Iatonna taun ma’pentallun kadatuanna, napadenammi datu pa’maruasan tu mintu’ arungna sia to mase’ponna; iatu pangulu surodadunna Persia sia Media sia to mala’bi’ sia iatu mai arungna propinsi ma’dio ren nasang dio olona datu.

ESTER 4:2

Rampomi lako tingayo babangan datu, belanna tae’ nama’din tu tau tama babangan datu ma’pakean karoro’.

ESTER 5:1

Iatonna allo ma’pentallun umpakemi pakean kadatuan tu Ester, namale bendan lako tingayo bilik lanna lu tongkonan layukna datu sitingoan bilik datu, tonna unnisung tu datu dao isungan kapayunganna lan bilik datu sitingoan lalan tama bilik iato.

ESTER 8:15

Tassu’mi tu Mordekhai ma’pake pakean kadatuan ma’rupa lango-lango sia lenang, ma’tali bulaan sia ma’bayu lamba’ lenang mellong sia lango-lango makaseda. Siarrakammi sia parannu-rannumi tu mintu’ to lan Susan.

YESAYA 59:17

Umpotamangkale kamaloloan butung bayu rante sia umposongko’ songko’ bassi kasalamaran; umpotamangkale pepakkan butung bayu sia umpolullung kamakaritutuan butung bayu lamba’.

MATIUS 11:8

Apara pale’ tu mangka lao mitiro? To ma’pakean meloraka? Iatu to ma’pakean melo lan ia lu banua datu.

MATIUS 3:4

Iatu pakeanna Yohanes bulu unta, sia iatu salipi’ lan ayakna balulang, anna iatu kandena batik sia tallo’ merang pangala’.

MATIUS 6:29

Na Kukua lako kalemi: Moi Salomo nakabu’ mintu’ kamala’biranna, tae’ nadipakei susitu danga-danga sangtangke.

LUKAS 16:19

Den misa’ to sugi’ ma’pakean melo ma’sambu’ lango-lango sia sampin ballo, ma’marua’-rua’ bang kiallo-kiallo sia manaman bang katuoanna.

LUKAS 7:24

Iatonna malemo tu pesuanna Yohanes, Naparandukmi Yesu umpokadai lako to buda tu diona Yohanes, Nakua: Apara tu mangka loo mitiro lako Padang Pangallaran, tommi sun lan mai tondok? Tilleraka sanglolo nagoyak angin?

LUKAS 7:26

Naapara pale’ tu mangka loo mitiro? Misa’raka nabi? Tonganna Kukua lako kalemi, ondong ia na misa’ nabi.