LUKAS 7:22 - Sura' Madatu

²² Mebalimi Yesu lako, Nakua: Malemokomi, parampoanni Yohanes tu mintu’na mangka mitiro sia mirangi: To buta pakita, to kupi’ lumingka malolo, to golenan dipamondo sia to taru parangi, to mate dipatuo sule, Kareba melo dipa’peissanan lako to kalala’.

LUKAS 7:22 ပူးပေါင်းရင်းမြစ်များ

AYUB 29:15

napomatana’ to buta sia napolette’na to keppang;

PA’PUDIAN 146:8

Sia PUANG umpamillik mata to buta, PUANG umpakalolo to tikongko, sia PUANG ungkamasei to malambu’.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YESAYA 43:8

Eloranni sun tu bangsa buta iato, moi anna kemata, sia iatu mai to taru, moi anna ketalinga.

YEREMIA 31:8

Manassa la Kusolan tu tau iato mai lan mai tondok daa ulunna salu sia Kurampun dio mai mintu’ biring langi’; dio lu tau iato mai den to buta sia to kupi’, to ma’tambuk sia to kianak; iamo misa’ kasirampunan kapua tu sangke’deran la sule dio mai.

ZEFANYA 3:12

Sia la Kupatorro dio lu kalemi tu mai to mase-mase sia to bitti’ sia iatu mai to umpentilindungi sanganNa PUANG.

MATIUS 11:5

Iamotu to buta pakita sia to kupi’ lumingka, to golenan dipamondo sia to taru parangi, sia to mate dipatuo sia Kareba kaparannuan dipa’peissanan lako to kalala’.

MATIUS 21:14

Saemi lako Kalena lan Banua Kabu- sungan tu to buta sia to kupi’, Napa- mondoi.

LUKAS 4:18

Den Penaa Masallo’Na Puang Matua lan Kaleku, Belanna mangkaMo’ Nabolloi minna’ la umpa’pangadaran Kareba melo lako to kalala’;

LUKAS 7:21

Iatonna attu iato, buda tau marassan Napamaleke Yesu, tu to narua ma’rupa-rupa saki sia to masaki tang dampi-dampian sia to nataba deata masussuk sia buda to buta Napapakita.

LUKAS 7:23

Dadi maupa’ tu to tang umpomatana’Na’.

YOHANES 1:46

Nakuami Natanael lako: Ma’dinraka tu Nazaret nanii bu’tu melona? Nakuami Filipus: Maimoko mutiroi!

PENGGAURANNA RASULU’ 26:18

ammu pamillikki tu matanna, anna memboko’ dio mai malillinna lako maserona, sia dio mai parentana deata bulituk lako Puang Matua, anna kabu’tui kadipa’deian kasalan sia mana’ sisola tu mintu’ to dipamaindan tete dio kapatonganan lako Kaleku.

PENGGAURANNA RASULU’ 8:7

Belanna budamo tu tau nataba deata masussuk, nanii sun nasang tu mintu’ deata masussuk sia melalla-lalla umpemandui gamaranna; sia buda tu to kupi’ sia to sondo’ napamalolo.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?