LUKAS 6:48 - Sura' Madatu

⁴⁸ Iamo susi misa’ to la umpabendan banua, nabo’bokki, napemandalanni, anna pellambi’i tu batu lappa’ napannii parandanganna dao. Iatonna sae uai saba’ untu’ba’i tu banua, tae’ nabelai umberui, belanna ditiroan melona tu parandanganna.

LUKAS 6:48 ပူးပေါင်းရင်းမြစ်များ

2 SAMUEL 22:2

Nakua: O PUANG, buntu batungku, sia tambakuku matoto’ku, sia To urrampananna’.

2 SAMUEL 22:32

Belanna mindara senga’na tu Kapenomban, ke tang PUANG, sia mindara laenna tu buntu batu, ke tang Kapenombanta?

2 SAMUEL 22:47

Iatu PUANG tuo sia mintu’na kadipuadian lu lako nasang Puang Buntu batungku, sia anna dipekalangka’i tu Puang Matua, oto’na kasalamarangku.

2 SAMUEL 22:5

Iatu bombang kamatean untikuina’, sia natu’ba’na’ darra’ kasanggangan.

2 SAMUEL 23:3

Ma’kada tu Kapenombanna to Israel, narampoina’ kadanNa Buntu batunna to Israel, Nakua: Misa’ to ma’parenta lako tolino sitoe kamalamburan, misa’ to ma’parenta ungkataku’ Puang Matua.

PA’PUDIAN 32:6

Iamoto mintu’ to mengkaola la massambayang lako Kalemi su’ding dilambi’pi tu pa’kamaseamMi; moi anna tu’ba’ tu uai saba’, manassa tang la nalambi’ tu tau iato mai.

PA’PUDIAN 62:2

Rapa’ penaangku ma’patu’tun lako Puang Matua, tu kuNii ungkabu’tui kasalamaran:

PA’PUDIAN 95:1

Maikomi tara’ban-ra’ban umpenanian PUANG, anta unnarrak umpudi buntu batu oto’na kasalamaranta.

SARAMBU PEADA’ 10:25

Iake saei tu talimpuru’ nalendu’ ma’kasanggang, la pa’de tu to tang me- kaaluk, apa iatu to malambu’ bendan butung misa’ parandangan maton- tongan.

YESAYA 26:4

Tontongkomi sande’ lako PUANG belanna Puangta PUANG iamo misa’ buntu batu sipuli padang.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YESAYA 59:19

Attu iato la nakataku’ tau tu sanganNa PUANG diong lu kabotoan allo sia la nakabangnga’ tau tu kamala’biranNa lan kabu’tuan kulla’, belanna la sae susito uai saba’ natu’ba’ penaanNa PUANG.

NAHUM 1:8

Apa tete dio uai saba’ Nasabu’i Puang tu inanna, sia Naula’i tu ualinNa tama kapittukan.

LUKAS 6:47

Minda-minda tu sae lako Kaleku, naperangii tu kadangKu, anna turu’i manassa la Kupakitangkomi tu dipapadanni.

LUKAS 6:49

Apa iatu to umperangii natae’ naturu’i, iamo butung to umpabendan banua dao to’ bungin, natae’ nadiparandanganni; nasae uai saba’ untu’ba’i nasimpolo ro’pok tu banua napura sanggang.

YOHANES 16:33

Mintu’nate kupokada lako kalemi, kumua misiria kamarampasan ussisolanNa’. Lan te lino umperasaikomi kamaparrisan; apa pabatta’komi penaammi, belanna Aku te mangkaMo’ untaloi te lino.

PENGGAURANNA RASULU’ 14:22

na umpabatta’ penaanna to menturu’ sia napakilala kumua anna manda’ lan kapatonganan, nakua: tae’ nasalai tang buda kamaparrisan umpatuki’ tu tama ParentaNa Puang Matua.

EFESUS 2:20

tu dibangun dao parandangan naparokko mintu’ rasulu’ sia nabi, na iatu batu petaunna iamotu Kristus Yesu.

PA’TOLE 32:15

Attu iato malompomi tu Yesyurun, anna metteba’ – malompomoko, kumamuru sia nakabu’ lompo – anna tampei tu Puang Matua, tu mangka ungkombongi, tang nabilangmo tu Buntu batu, Oto’na kasalamaranna.

PA’TOLE 32:18

Iatu Buntu batu, tu umpadadiko, musa’biangan, ammu kalupaimo Puang Matua, tu mangka umpatiroiko padang kalua’.

PA’TOLE 32:31

Belanna iatu buntu batunna tau iato mai tae’ nasusi Buntu batunta, iatu ualinta ma’din umpamanassa kalena.

2 TIMOTIUS 2:19

Apa moi susito tae’ namatumba len, belanna iatu parandangan matoto’Na Puang Matua bintin, na iatu pearra’na, kumua: Natandai Ia Puang Matua tu taunNa; sia nakuapa: Minda-minda tu ussa’bu’ sanganNa Puang, la umboko’i kakelokan.

2 PETRUS 1:10

Iamoto e sangsiulurangku, la mandu mipengkullei umpamatoto’i tu kaditambaiammi sia kaditonnorammi; belanna iake mipogau’i susito, inang tae’ mila tilende’ len.

1 YOHANES 2:28

Totemo te, e anakku, manda’komi lan Kalena, kumua iake dipasombomi, la unnappa’ki’ kabattaran sia tae’ tala kasirisan dio oloNa, ke attu kasaeanNa.

YUDAS 1:24

Na lako Puang, tu kuasa ungkarimmannikomi dio mai katitodoan, anNa popennolo tang sayuangkomi dio olo mala’bi’Na, situang kaparannuan kapua,

1 SAMUEL 2:2

Moi misa’ tau tae’ namasero susi PUANG, sia tae’ misa’ tu kapenomban senga’ sangadinna Kamu manna, sia tae’ tu buntu batu susi Kapenombangki.