LUKAS 6:38 - Sura' Madatu

³⁸ Benni, manassa la diben dukakomi. Misa’ sukaran melo tongan ditemme’ rokko nadirodo sama’toppo’na, la diparokko riammi, belanna iatu sukaran mipassukaran tau, ia duka la dipassukarangkomi!

LUKAS 6:38 ပူးပေါင်းရင်းမြစ်များ

2 SAMUEL 19:36

La lao mannara’ unnanta’ puangku sanglengko dilalan sambali’ Yordan sia ma’apai anna la umpakkan susiri puangku lako kaleku to?

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

ESTER 9:25

Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

AYUB 42:11

Attu iato pantan saemi tu mai siulu’na muane sia anak daranna sia mintu’ to nasitandan dolona ungkaduakki anna kumande sola lan banuanna. Sumarromi umpa’pekitanan massengna lako Ayub, anna pakatanai tu diona mintu’ kamandasan Naparampoanni PUANG, anna pantan umbenni misa’ batu salaka sia misa’ baba’ bulaan.

PA’PUDIAN 79:12

Na lako bali lembangki papakkanni manglokkon pempitu tama rianna tu pebe’se mangka nabe’seangKomi, o Puang.

KATASSURAN 21:24

pabutanni la dibutai duka, pasimpoanni la disimpoi duka, pata’takan limai la dita’takki duka tu limanna, pale’toan lentekki la dile’to duka tu lentekna,

SARAMBU PEADA’ 10:22

Iatu kamasakkean dio mai PUANG mepasugi’, tang narangnganni kaparrukan mengkarang.

SARAMBU PEADA’ 19:17

Minda-minda ungkamasei tobongko, ma’peindan lako PUANG, Puangmo la umpakkanni tu kameloanna.

SARAMBU PEADA’ 22:9

Iatu to masokan pentirona, la dipamasakke, belanna umpa’kamasean kandena lako to kalala’.

YEREMIA 32:18

Sia Kamu umpa’pekitanan kamasokanan lako massa’bu-sa’bu tau sia tu umpapakkanni kakadakeanna mintu’ ambe’ rokko rianna mintu’ anakna undinna dio mai tau iato mai, o Kapenomban pasareongan sia matoto’, tu diganti sanganNa: PUANGna mintu’ ma’dandan maritik.

MATIUS 10:42

Sia minda-minda tu umpairu’i moi anna sangirusanri uai sakke’ te to bongko iate, tu belanna anak guru sanganna, tonganna tongan Kukua mati’, tae’ nala pa’de len tu poleanna.

MATIUS 7:2

Belanna iatu mininna ma’pasala, ia pole’ la dinii umpasalakomi, sia iatu sukaran mipassukaran tau, ia duka la dipassukarangkomi.

MARKUS 4:24

Nakuami lako tau iato mai: Palan penaai tu apa mirangi. Iatu sukaran mipassukaran tau, ia dukamo la dipassukarangkomi sia la dirangnganni pole’pa lako kalemi.

LUKAS 6:30

Benni minda-minda malaku lako kalemu, sia iatu tau unnala apa-apammu, da mupalakui sule.

PA’TOLE 15:10

Manassa la masokanko umpaindanni sia da napomasussai penaammu, ke mubenni apa, belanna iamo napobannang to, iatu PUANG, Kapenombammu umpamasakkeko lan mintu’ pengkarangammu sia lan mintu’ apa mukarang.

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

TO PARENGNGE’ 1:7

Ma’kadami Adoni-Bezek, nakua: Pitungpulo tu datu tu dita’takki indo’ taruno limanna sia indo’ taruno lentekna, urruruk kande rondon diong sulluk medaku. Umba susitu penggaurangku lako kalena, susi dukamoto Napapakkanni Puang Matua lako kaleku. Nasolammi tau lako Yerusalem, namate dio.