LUKAS 6:35 - Sura' Madatu

³⁵ Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

LUKAS 6:35 ပူးပေါင်းရင်းမြစ်များ

PA’PUDIAN 112:5

Maupa’ tu to mamase sia masorok ma’pasuka’, sia to ungkareai melo tiku rindingna.

PA’PUDIAN 145:9

Iatu PUANG masokan lako mintu’ tau, sia situtu’ mamaseNa tu mintu’ penggauranNa.

PA’PUDIAN 37:26

Iatu to malambu’ kiallo-kiallo maturu-turu sia ma’pasuka’, sia iatu bati’na umpabu’tu karongkosan.

PA’PUDIAN 58:11

La parannu paiman tu to malambu’ ke natiroi tu pepakkan iato, sia la nabasean lentekna tu rarana to tang mekaaluk.

SARAMBU PEADA’ 19:17

Minda-minda ungkamasei tobongko, ma’peindan lako PUANG, Puangmo la umpakkanni tu kameloanna.

SARAMBU PEADA’ 22:9

Iatu to masokan pentirona, la dipamasakke, belanna umpa’kamasean kandena lako to kalala’.

MATIUS 5:9

Maupa’ tu mintu’ to ma’pasikaelo, belanna tau iato la disa’bu’ AnakNa Puang Matua.

MARKUS 5:7

sia mukkun melalla-lalla umpemandui gamaranna nakua: La siapariki’, e Yesu, Anakna Puang Patodoranna! Massumpana’ ussa’bu’ sanganNa Puang Matua umpalakui lako Kalemi da’ amMi pakario-riona’.

LUKAS 1:32

Iamo la kapuanna sia la digente’ Anak Puang Patodoranna sia la Nasorong Puang Kapenombanta lako Kalena tu isungan kapayunganna Daud nene’Na.

LUKAS 6:36

Iamoto dadi mamasekomi, susi Ambe’mi sumpu mamase.

YOHANES 13:35

Iamotu iannate la nanii untandai mintu’ tau, kumua anak gurungKukomi, to ke siala masekomi.

YOHANES 15:8

Iamorato tu dinii umpakala’bi’ Ambe’Ku, to ke tarri’i buammi, sia iake susito dadikomi anak gurungKu.

PENGGAURANNA RASULU’ 14:17

moi anNa umpa’pepayanan Kalena umpogau’ kameloan, sia umpasaeangkomi uran dao mai langi’ sia pentaunan sebona bura padang sia Napabossai kande sia kaparannuan tu penaammi.

2 KORINTUS 8:9

Belanna miissan tu pa’kamaseanNa Puangta Yesu (Kristus) kumua iatu Ia, moi anNa sugi’, apa mendadi kalala’ tu belanna kamu, kumua anna kamu umposugi’i tu kakalalaranNa.

2 TIMOTIUS 3:2

Belanna buda tau la tuo misa sia ungkailui doi’, untendeng kalena, madao penaa, umpalele beko tau, umbali-bali indo’-ambe’na, tang ma’kurre sumanga’ sia tang mekaaluk;