LUKAS 6:25 - Sura' Madatu

²⁵ Upu’ allomi, e to liu dia’, belanna la tangdia’komi. Upu’ allomi, e to metaa totemo, belanna la mekaindo’ lenkomi tumangi’.

LUKAS 6:25 ပူးပေါင်းရင်းမြစ်များ

PA’PUDIAN 49:19

Belanna moi anna sangai tu kalena kumua maupa’ tonna tuonapa, sia napudiko tau diona kamauparammu.

SARAMBU PEADA’ 14:13

Moi anta metaa ma’din duka tasa’ding tu karossoan penaa, sia dio katampakanna kaparannuan ma’din bu’tu kamasussan.

SARAMBU PEADA’ 30:9

Dikua da kupeonganniKomi, ke kala’biammo’ sia da kuma’kada kumua: Mindara tu PUANG? sia da duka kuboko, kenarampoina’ kabongkoan sia da kutodotinting sanganNa Kapenombangku.

TOMANGADA’ 2:2

Diona kametaan kukua bangmi: Kabagan iato; sia diona kaparannuan kukuami: Apara napabu’tu to?

TOMANGADA’ 7:3

Melo tu karossoan penaa na iatu metaa, belanna iatu kamaru’gunan napotanda kamaloloan penaa.

TOMANGADA’ 7:6

Belanna susi duri mema’tu diongna lu kurin, susi dukato tu pelale’ to baga. Ia duka tu apa iato, tae’ gai’na.

YESAYA 28:7

Ia duka te tau iate mai re’ba len napobua’ uai anggoro’ sia tumbang len naginta’ tuak palango; moi dukato minaa sia nabi re’ba len napobua’ tuak palango, pusa natumang uai anggoro’, tumbang len napobua’ tuak palango, tire’ba len lan patiro mendeata, titu’mu’ len untingayo pa’bisaran.

YESAYA 65:13

Iamoto anNa kuai tu Puangta PUANG: Manassa iatu mai taungKu la kumande apa iatu kamu la tangdia’; iatu mai taungKu la mangiru’, apa iatu kamu la ma’rang; iatu mai taungKu la parannu-rannu, apa iatu kamu la kasirisan.

YESAYA 8:21

Sangadinna la palong bang umperasai parri’ sia mangelo; ia anna topomo, maredemi tu ara’na sia unggatai datunna sia Kapenombanna. Ke mentingarai langan langi’,

YESAYA 9:20

To Manasye anna to Efraim, sia to Efraim anna to Manasye; la umpapada penaa unnea to Yehuda. Moi anna susito iate mintu’na, tae’ anna poradanni kasengkeanNa Puang sangadinna tontong bangpa tie’te’ tu limanNa.

AMOS 8:10

Attu iato la Kupopembali passanda bolong tu mintu’ pa’gaurammi sia la Kupopembali bating tu mintu’ naniammi. Attu iato la Kupatambeke’i nasangkomi sanda bolong sia la Kupopa’galettung tu mintu’ ulu. Iatu kapassanda-bolongan la Kupabutung sanda-bolong diona anak tungga’ sia iatu ma’katampakanna la susi allo nanii kamaparrisan.

NAHUM 1:10

Belanna, moi sibintan susi duri, sia malango susito kabiasanna malango –, inang la dimangsanni tarru’ tu tau iato mai susi dalame marangke.

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

LUKAS 13:28

Indemoto la minii tumangi’ sia sisange’ isimmi, ke mitiromi tu Abraham na Ishak na Yakub sia mintu’ nabi lan ParentaNa Puang Matua, apa dipembuangangkomi kamu lako salian.

LUKAS 6:24

Apa upu’ allomi, e to sugi’, belanna mialamo tu kamanamanammi.

LUKAS 6:26

Upu’ allomi, ke mintu’i tau umpokada meloi tu gau’mi, apa susimoto tu napogau’ nene’ to dolona lako mintu’ nabi buttok.

LUKAS 8:53

Napetaaimi tau, belanna naissan, kumua matemo tu pia.

EFESUS 5:4

Susi dukato tu apa pagi’giran sia ulelean tang kebattuan sia rongga, iamotu apa tang sielle’na, sangadinna la’bi’ ma’kurre sumanga’.

1 TESALONIKA 5:3

Ianna kua tau: Marampa’ sia salama’, pakalan to ke saemi kasanggangan urrampoi, susito baine ma’tambuk mangurria’; anna tae’ nabelai la urrampanan kalena.

YAKOBUS 4:9

Pesa’dingimi tu sussa ammi mario sia tumangi’; sipato’ tu penaammi membali kamarioan, sia kasendeammi membali kamasussan.

KADA OMBO’ LAKO RASULU’ YOHANES 3:17

Belanna mukua: Sugi’na’ sia unnappa’ kasugiran, na moi misa’ tae’mo pu’du’ dio kaleku, apa tae’ mutandai, kumua ikomo mandasana sia tang tiroan tau sia bongko sia buta sia ma’kambelang,

1 SAMUEL 2:5

Iatu to dia’ undaka’ saroan kande unnappa’ kande, anna iatu to tangdia’ ma’din melayo. Iatu to tamanang la kianak sae lako pempitu, anna iatu to makianakan la madodong bangmo.