LUKAS 6:12 - Sura' Madatu

¹² Den pissan tonna iato sunmi tu Yesu male lako misa’ tanete la massambayang. Iato bongi iato, situ’turan bang Ia bongi massambayang langngan Puang Matua.

LUKAS 6:12 ပူးပေါင်းရင်းမြစ်များ

PA’PUDIAN 22:2

O Kapenombangku, o Kapenombangku, ma’apari Mitampemora’. Ma’apari Mitoyanganra Kalemi dio mai kadilendokangku, sia dio mai sarro budangku?

YESAYA 26:9

Kalebu tallang tu penaangku lan ungkamali’Komi ke bongi, ondongpi iatu ba’tengku lan undaka’ bangKomi; belanna iake rampomi tama lino tu mai ukungamMi, attu iato mintu’ issinna lino umpelada’i kamaloloan.

DANIEL 6:10

Iamoto nasura’mi datu Darius tu sura’ parenta sola atoran iato.

MATIUS 5:1

IatonNa kitami Yesu tu to buda, kendekmi langngan tanete; tonna unno’ko’mo, saemi lako tu anak gurunNa.

MATIUS 6:6

Apa iatu iko, iammu la massambayang, kendekko langngan banuammu mutama inanmu, musalli’i tu ba’bamu, ammu massambayang langngan Ambe’mu Puang tang kakitanan, anna Ambe’mu tu ungkita tang kakitananna, Iamo la umpapakkanni lako kalemu.

MARKUS 1:35

Iatonna dannari malillin bangsiapa, millikmi Nasun male lako to’ kasalanna nadio Nanii massambayang.

MARKUS 3:13

Kendekmi langngan misa’ tanete, Natambai minda-minda tu Naporai, nasae tu tau lako Kalena.

MARKUS 6:46

Tonna mangkamo umpopessimanni tu tau, tuka’mi langngan misa’ tanete la massambayang.

LUKAS 5:16

Apa merrabunan tu Yesu male lako to’ kasalanna Namassambayang dio.

LUKAS 6:11

Nakabu’-kabu’mi ara’na sola nasang sia sipa’kada-kada umpokadai tu la nagauran Yesu.

LUKAS 6:17

Mengkalaomi tu Yesu sola tau iato, natorro dio marantena, den pole’omi kasirampunanna anak gurunNa sia tang pada budanna tau sae dio mai tondok Yudea sia dio mai tondok Yerusalem sia

LUKAS 9:18

Den pissan tonna torro misa tu Yesu massambayang sia anak gurunNa dio duka sola, Nakutanaimi tu anak gurunNa. Nakua: NasangaRa’ minda to buda?

LUKAS 9:28

Den pissan umbai karuamo allona lendu’na tonna pokadai to, Nasolammi tu Petrus na Yohanes na Yakobus, Nakendek langngan misa’ tanete la massambayang.

LUKAS 9:29

Marassanmo massambayang namembali tu rupanNa sia iatu pakeanNa mabussang pandillak-dillak.

YOHANES 6:3

Kendekmi tu Yesu langngan misa’ tanete, Naunno’ko’ dao sola anak gurunNa.

KOLOSE 4:2

La tontongkomi lan kapassambayangan sia kanandai tu iannato mima’kurre sumanga’.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

1 SAMUEL 15:11

MenassanNa’, belanna Kuangka’ tu Saul dadi datu, belanna toyangmo dio mai Kaleku sia tae’mo naturu’i tu parentaKu. Massengmi penaanna tu Samuel, anna meongli’ lako PUANG situ’turan bongi.