LUKAS 6:11 - Sura' Madatu

¹¹ Nakabu’-kabu’mi ara’na sola nasang sia sipa’kada-kada umpokadai tu la nagauran Yesu.

LUKAS 6:11 ပူးပေါင်းရင်းမြစ်များ

TOMANGADA’ 9:3

Inde sia tu apa tarru’ kadake tu mintu’na dadi lan naarrang matanna allo, iamotu pada tu dalle’ urrampoi sola nasang; iamoto iatu penaanna ma’rupa tau ponno kakadakean, sia kapusan lan penaanna lan mintu’ allo katuoanna; sia undinnato mintu’ tau ma’palulako inan tomate.

MATIUS 16:7

Sipa’kada-kada kalenami, nakua: Ia sia Nama’kada susi to, belanna tae’ tabaa roti.

MATIUS 21:45

Iatonna rangii pangulu-pangulu to minaa sia to Farisi tu pa’pasusianNa, naissanmi kumua gau’na Naparuai.

LUKAS 4:28

Iatonna rangimi mintu’ to lan banua pa’kombongan tu kada susito, ponno nasangmi kasengkean diong tambukna.

LUKAS 6:10

Napaleleimi matanNa lao tu mintu’na tau, namane kumua lako tinde tau: Angka’i tu limammu! Naangka’mi namatoto’ tu limanna.

LUKAS 6:12

Den pissan tonna iato sunmi tu Yesu male lako misa’ tanete la massambayang. Iato bongi iato, situ’turan bang Ia bongi massambayang langngan Puang Matua.

YOHANES 11:47

Iamoto anna rampunni pangulu to minaa sia to Farisi tu mai to diala Ada’ lompo, anna kua: Umbamora tu tangnga’ la tapogau’, belanna buda bangmo tu tanda kalle-kallean Napogau’ tu Tau tu?

YOHANES 7:1

Undinnato malemi tu Yesu ullelei tana Galilea, belanna tae’ namorai ullelei tu tana Yudea, apa undaka’ tangnga’ tu to Yahudi la morai umpatei.

PENGGAURANNA RASULU’ 26:11

Sia pembuda kupakario-rio lan banua pa’kombongan sia kuparuku umpa’kada solangi tu sanganNa Yesu, sia belanna tae’ pada kamare’dekangku lako, kulolaimi moi diomo tu tondok senga’.

PENGGAURANNA RASULU’ 4:15

Iatonna mangkamo ussuai sola duai sun lan mai to’ Ada’ lompo nasipada-padaimi tinde tau,

PENGGAURANNA RASULU’ 4:19

Apa mebali Petrus na Yohanes sia nakua ungkuanni tinde tau: Timbang kalenai, ke la sipatui dio oloNa Puang Matua tu umpalosongi unturu’komi na unturu’ Puang Matua.

PENGGAURANNA RASULU’ 5:33

Iatonna rangii tinde tau te kada iate, lendu’mi re’dekna ara’na sia la morai umpatei tu mai rasulu’.

PENGGAURANNA RASULU’ 7:54

Iatonna rangii tinde tau tu iannato, re’dekmi ara’na sia singgarigi’-rigi’ isinna untiroi.

2 TIMOTIUS 3:9

Apa tau iato tae’mo nalolo’, belanna la payan tu kabaganna lako mata malele susi kabaganna tu tau da’dua.