LUKAS 5:33 - Sura' Madatu

³³ Nakuami tu tau lako: Anak gurunna ia Yohanes pembuda ma’puasa sia tae’ nasalai tu kapassambayangan, susi dukato tu mintu’ anak gurunna to Farisi, anna anak gurumMi kamu kumandeora sia mangiru’.

LUKAS 5:33 ပူးပေါင်းရင်းမြစ်များ

SARAMBU PEADA’ 28:9

Minda-minda umpasalai talinga sia manoka umperangii sukaran aluk, moi passambayangna megallian duka.

YESAYA 1:15

Iammi umpatado pala’ mabusammi, la Kupasalaikomi mata; moi umpamakambankomi passambayangmi, tae’ duka angKu la umperangii; belanna limammi umpentombang rara.

ZAKHARIA 7:6

Sia iammi kumande sia mangiru’, tae’raka nakamu kalena kumande sia mangiru’?

MATIUS 23:13

Upu’ allomi, e pandita Sura’ sia to Farisi, to belo puduk! belanna mitutu’ tu ba’ba Parenta Suruga miampangi tu tau. Kamu tang tama, na iatu to la morai tama migagai.

MARKUS 12:40

sia unnimbakan iananna baine balu, sia naangga’-angga’i umpamalambe’ passambayangna; iatu tau susito mandu la narua tampak ropu.

LUKAS 11:1

Den pissan Namassambayang tu Yesu dio misa’ inan. Iatonna mangkamo, ma’kadami misa’ tu anak gurunNa lako: O Puang! ada’ikanni massambayang, susitu napangadaran Yohanes lako anak gurunna.

LUKAS 18:12

lan sangminggu sipenduanna’ ma’puasa sia ianna dipa’sangpulo tu mintu’na apangku, sangtaanna bang kupa’kamasean.

LUKAS 2:37

balumo na umbai karuamo pulona nna’pa’ taunna; tae’ bang namemboko’ lan mai banuanNa Puang Matua umpenombai Puang Matua, ma’puasa bang sia massambayang keallo kebongi.

LUKAS 20:47

sia iatu unnimbakan iananna baine balu sia naangga’-angga’i umpamalambe’ passambayangna; iatu tau susito mandu la narua tampak ropu.

LUKAS 5:32

Tae’ra Kusae la untambai to malambu’, sangadinna to kasalan, denoupa’ namengkatoba’.

LUKAS 5:34

Nakuami Yesu lako tau iato: Ma’apai mila ussuai tu to pasolan la ma’puasa, ke sisolapi to diparampo?

YOHANES 1:35

Iatonna masiang to, bendan pole’omi inde to dio tu Yohanes sola anak gurunna da’dua.

YOHANES 3:25

Tonna iato bu’tumi kasisakkanna anak gurunna Yohanes anna misa’ to Yahudi diona kadipamaseroan.

PENGGAURANNA RASULU’ 9:11

Nakuami Puang ungkuanni: Ke’de’ko mulao lako lalan disanga lalan Malolo, mupekutananni dio banuanna Yudas tu to disanga Saulus, to Tarsus, belanna marassan massambayang to,