LUKAS 5:32 - Sura' Madatu

³² Tae’ra Kusae la untambai to malambu’, sangadinna to kasalan, denoupa’ namengkatoba’.

LUKAS 5:32 ပူးပေါင်းရင်းမြစ်များ

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

MATIUS 18:10

Kanandai tonganni, da naden misa’ mitapa’ te to bongko iate. Belanna Kukua mati’, iatu mintu’ malaeka’na lan suruga tontong untiro lindo Ambe’Ku dao suruga.

MATIUS 9:13

Apa laomokomi ammi tangnga’-tangnga’i patunna te kada iate: Kamamasean Aku tu Kukamorai, tangia pemala’, belanna tae’ Kusae untambai to malambu’, sangadinna to kasalan.

MARKUS 15:10

Belanna naissan kumua ia sia nasorongI pangulu to minaa, apa kamabirisanna lako.

MARKUS 15:7

Denmi tu tau misa’ disanga Barabas, tu ditarungku sola mintu’ tu to nasisolan ma’pamaramba, sia umpatei tau lan kamaramban iato.

MARKUS 2:17

Iatonna rangii Yesu te kada iate, Nakuami lako tu tau: Tae’ naanga’i to maleke tu to ma’dampi, sangadinna to masakiri. Tae’ra Kusae la untambai to malambu’, sangadinna to kasalan.

LUKAS 15:10

Iamoto nakua kadangKu mati’: Susimoto tu kaparannuanna mintu’ malaeka’Na Puang Matua tu belanna misa’ to kasalan mengkatoba’.

LUKAS 15:7

Kukua lako kalemi: La susimoto tu kaparannuan lan suruga, belanna misa’ to kasalan mengkatoba’ losong ia na kasera pulona ngkasera to maruru’ penaanna tu tau ussanga kalena tae’mo namanggi’ la mengkatoba’.

LUKAS 19:10

belanna saemo Anak rampan dilino la undaka’i sia ungkarimmanni tu pa’dena.

LUKAS 24:47

nadipalele sola sanganNa tu kamengkatobaran umpasae kadipa’deian kasalan lako mintu’ issinna lino nasambo langi’ narande tana, randuk dio mai Yerusalem.

LUKAS 5:31

Mebalimi Yesu, Nakua: Tae’ naanga’i to maleke tu to ma’dampi, sangadinna to masakiri.

LUKAS 5:33

Nakuami tu tau lako: Anak gurunna ia Yohanes pembuda ma’puasa sia tae’ nasalai tu kapassambayangan, susi dukato tu mintu’ anak gurunna to Farisi, anna anak gurumMi kamu kumandeora sia mangiru’.

PENGGAURANNA RASULU’ 17:30

Mintu’na tu attu kabagan Napopa’elo’na Puang Matua, apa totemo te mintu’na tau nala umba-umba nii Nasua mengkatoba’.

PENGGAURANNA RASULU’ 2:38

Nakuami Petrus lako tu tau: La mengkatoba’komi ammi pantan ma’popedio’ tete dio sanganNa Yesu Kristus tu napotete kadipa’deian kasalammi, ammi kabu’tui Penaa Masallo’ dipa’kamasean.

PENGGAURANNA RASULU’ 20:21

sia kupamanassan to Yahudi sia to Yunani tu diona kamengkatobaran lako Puang Matua sia ma’patongan lako Puangta Yesu.

PENGGAURANNA RASULU’ 3:19

Iamoto menassankomi sia mengkatoba’ anna dibasei tu kasalammi sia kumua anna den tu attu kamanamanan dio mai oloNa Puang,

PENGGAURANNA RASULU’ 3:26

Kamumo tu ma’iringanna Napamalimbangunan Puang Matua tu TaunNa sia ussuaI la umbenkomi kamasakkean, kumua mipantan mengkatoba’ dio mai kakadakeammi.

PENGGAURANNA RASULU’ 5:31

Iamora Te tu napakalangka’ lima kananNa Puang Matua mendadi Pangulu sia To pakarimmanan la umpa’kamasean katobaran lako to Israel sia kadipa’deian kasalan.

2 PETRUS 3:9

Tae’ Namarempa tu Puang umpalanda’ pangallu’Na, susitu nasanga tau pira kumua marempa tu iannato, sangadinna Nasuka’ kalandokomi, tae’ Naporai, ke denni misa’ tau sanggang, sangadinna kumua anna mengkatoba’ nasang.