LUKAS 5:24 - Sura' Madatu

²⁴ Apa dikua ammi issanni, kumua kuasa tu Anak rampan dilino umpa’dei kasalan lan lino, Nakuami lako tu to kupi’: Kukua ungkuangko: Millikko alai tu ampa’mu, musule lako banuammu!

LUKAS 5:24 ပူးပေါင်းရင်းမြစ်များ

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

DANIEL 7:13

Tontongmi kupenunu lan patiro mendeata tonna ibongi sia kutiro den misa’ tu susi anak rampan dilino sae sola gaun dao langi’; anna male lako ToKaubanan sia dipopengkareke’ lako oloNa.

MATIUS 16:13

Iatonna rampomo Yesu lako lili’na Kaisarea Filipi, mekutanami lako anak gurunNa Nakua: Mindara nasanganni tau tu Anak rampan dilino?

MATIUS 25:31

IanNa sae tu Anak rampan dilino nakabu’ kamala’biranNa, sia naturu’ mintu’ malaeka’Na, anNa unno’ko’ dao isungan kapayunganNa;

MATIUS 26:64

Nakuami Yesu lako: Susimo tu kadammi. Apa Kukua mati’, randuk te totemo ammi kitai tu Anak rampan dilino unno’ko’ dio kananNa To umpoissan angge maritik, sia sae lan gaun dao mai langi’.

MATIUS 28:18

Napentireke’imi Yesu, anNa ma’kada lako tu tau, Nakua: Mintu’na kakuasan disorongmo lako Kaleku, la dao suruga la lan te lino.

MATIUS 4:24

Tiseno-senomi karebanNa dio mintu’ lili’na tana Siria; nabaami tau lako Kalena tu mintu’ to mandalan sakinna, tu narua ma’rupa-rupa saki sia pa’di’, tu mai to natamai deata bulituk sia to ta’taran sia to kupi’; anNa pamalekei.

MATIUS 9:6

Apa dikua ammi issanni kumua kuasa tu Anak rampan dilino umpa’dei kasalan lan te lino –, Nakuami ungkuanni tinde to kupi’: Millikko, mualai tu ampa’mu, musule lako banuammu.

LUKAS 5:13

Nasoronganni Yesu lako tu limanNa, Nakaka’i, Nakua: Kuporai la malekemoko! Ta’pa mondo bangsiami tu golenna.

LUKAS 5:18

Denmi tau umbaa misa’ to kupi’, mamma’ diong ampa’na, undaka’mi lalan la morai umbaai tama, la napatorro dio tingayoNa Yesu.

LUKAS 5:23

Umbannara maraa, dikuaraka: Dipa’dei’mo tu kasalammu, ba’tu dikuaraka: Millikmoko muma’lingka?

LUKAS 7:14

Nareke’mi lako, Natoei tu bulleanna natadang tu tau umbullei, Nakuami: E to mangura! Kukua mati’, millikmoko!

LUKAS 8:54

Apa Natoemi tu limanna tinde pia, namane untambai Nakua: E, lai’! millikko!

YOHANES 11:43

Iatonna mangka umpokadai to, metambami Nakua: E Lazarus, sunko mai!

YOHANES 17:2

Susitu Kamu mangkamo umpa’kamasean kuasa lako Kalena umparentai tu mintu’ tolino, kumua na Ia pole’o umpapantanni katuoan tontong sae lakona tu Misorongna lako Kalena.

YOHANES 3:13

Moi misa’ tau tae’ kendek langngan suruga, sangadi Ia tu mangkanna songlo’ dao mai suruga, Iamotu Anak rampan dilino.

YOHANES 5:27

Sia Naben kakuasan lako la umpogau’i tu pangra’ta’, belanna Iamotu Anak rampan dilino.

PENGGAURANNA RASULU’ 14:10

nakuami tu Paulus umpemandui gamaranna: Ke’de’ko, mumalolo bendan. Mekkondongmi nata’pa male lumingka.

PENGGAURANNA RASULU’ 5:31

Iamora Te tu napakalangka’ lima kananNa Puang Matua mendadi Pangulu sia To pakarimmanan la umpa’kamasean katobaran lako to Israel sia kadipa’deian kasalan.

PENGGAURANNA RASULU’ 9:34

Nakuami Petrus ungkuanni: E Eneas, Napamalekeko Yesu Kristus. Malimbangunmoko, muampa’ kalenai tu ampa’mu. Ta’pa malimbangunmi.

PENGGAURANNA RASULU’ 9:40

Apa na sua nasang Petrus sun tu tau, namalinguntu’ massambayang, namessaile lako to’ to mate, nakua: E Tabita, malimbangunko! Nabidarammi tu matanna, sia iatonna tiroi tu Petrus, unno’ko’mi.

KADA OMBO’ LAKO RASULU’ YOHANES 1:13

Sia lan tangnga-tangngana tongkonan palita iato den misa’ susi Anak rampan dilino, ma’bayu lamba’, na dadanNa ma’pali’ bulaan.