LUKAS 5:12 - Sura' Madatu

¹² Tonna lan misa’ tondok, denmi misa’ tau dio nasanta’ golen. Iatonna tiromi tu Yesu lumbangmi rokko padang namengkamase-mase lako, nakua: O Puang! iake Miporai manassa kuasaKomi umpamalekena’!

LUKAS 5:12 ပူးပေါင်းရင်းမြစ်များ

KADADIAN 18:14

Denraka apa tang dadi ke PUANG? Iake attu susite taun pole’ la saeNa’ lako kalemu, la denmo pia muane nadadian Sara.

1 DATU 18:39

Iatonna tiroi to buda tu iannato, tukkumi sae rokko padang, nama’kada nakua: PUANG, Iamo Kapenomban, PUANG, Iamo Kapenomban.

2 DATU 5:1

Iatu Naaman, kamandang lompona datu Aram, iamo misa’ to napakala’bi’ tongan puangna, sia mandu dipakaraya, belanna tete dio kalena anNa pa’kamaseanni PUANG tu kapataloan lako to Aram. Iatu tau iate, iamo misa’ to lalong, apa golenan.

2 DATU 5:27

Iamoto, iatu golenna Naaman la le’ke’ lako kalemu sia lako ampo bati’mu sae lakona. Iatonna soro’mo tu Gehazi dio mai kalena, golenanmi, mabusa susi ambun makko.

2 DATU 7:3

Dio salian babangan kota den a’pa’ muane golenan. Sipa’kadami nakua: Apara gai’ta torro inde te sae lako mateta?

1 OSSORANNA DATU 21:16

Mentingarami tu Daud natiroi tu malaeka’Na PUANG bendan dio kasiallaranna langi’ na tana, sitangke pa’dang tinonok, umpopange’te’ limanna lako Yerusalem; attu iato tukkumi menomba rokko padang tu Daud sola tu mai pekaamberan umpennammu’ karoro’.

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 91:15

Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

KATASSURAN 4:6

Ma’kada pole’mi tu PUANG lako kalena, Nakua: Ulumi tu limammu tama ara’ bayummu. Naulumi tu limanna tama ara’ bayunna, anna patassu’i sule; mangngami: iatu limanna golenan mabusa susi ambun makko.

SURA’ KATOMINAAN 13:16

Apa iake pa’de pole’i tu duku’ kadake, anna memmabusa pole’, la male mentingayo lako to minaa.

SURA’ KATOMINAAN 9:24

Tassu’mi tu api dio mai oloNa PUANG ungkandei tu pemala’ ditunu pu’pu’ sia iatu mintu’ lompo tiira’na dao inan pemalaran; iatonna tiromi bangsa iato tu iannato, siarrakammi anna tukku sae rokko padang.

MATIUS 26:6

Iatonna dio Betania tu Yesu, dio banuanna Simon masaki kadake,

MATIUS 9:28

Tonna kendekmo langngan banua, saemi tinde to buta umpennoloI Nama’kada Yesu lako tinde tau, Nakua: Mikatappa’iraka, kumua ma’din Kupogau’ tu ianna te? Nakuami: Kikatappa’i, Puang!

MARKUS 5:23

sia mengkamoya-moya tongan lako nakua: Iatu anak bitti’ku tu baine la mate mannamo, maipoKomi dikka’ Miremme’i limamMi anna maleke sia tuo.

LUKAS 17:16

Malinguntu’mi tukku ma’kurre sumanga’ diong to’ lentekNa Yesu; iato tau iato, to Samaria.

LUKAS 5:13

Nasoronganni Yesu lako tu limanNa, Nakaka’i, Nakua: Kuporai la malekemoko! Ta’pa mondo bangsiami tu golenna.

PA’TOLE 24:8

Palanni penaa tu diona golen, ammu karitutui tonganni tu mintu’na apa naadarangko to minaa to Lewi; apa mangka kupepasanan lako kalena, la nakaritutui tongan.

IBRANI 7:25

Iamo bannangna to anNa belai ungkarimmanni sundun mintu’ to umpentireke’i Puang Matua tete dio Kalena, belanna tontong bang Ia tuo umpalakuanni pa’tunduan tu tau iato mai.

YOSUA 5:14

Apa mebali, nakua: Tangia, sangadinna aku te Arungna mintu’ ma’dandan maritikNa PUANG; totemo saemo’. Tukkumi menomba tu Yosua rokko padang sia ma’kada lako nakua: Apara kadanNa Puangku lako taunna?