LUKAS 4:42 - Sura' Madatu

⁴² Iatonna masiangmo, sunmi tu Yesu male lako to’ kasalanna, nadaka’mi to buda namale umpellambi’i, la morai umpatorroI tu Yesu, kumua da Natampei.

LUKAS 4:42 ပူးပေါင်းရင်းမြစ်များ

MARKUS 1:45

Apa sun tinde tau, naranduk umpatiseno-seno lu lako lu dioi mai tu karebanNa sia umpalelei tu iannato, naurunganni tae’mo nama’din tu Yesu umpa’pepayanan Kalena tama tondok sangadinna dio bang Ia salian dio lu to’ kasalanna. Nasae tu tau lako Kalena pantan tama bang sae.

LUKAS 24:29

Apa nana’ran-na’ran tinde tau sola duai, nakua: Tatorromo sola, belanna la bongimo, lambunmo allo. Malemi tama tu Yesu la torro dio sola.

LUKAS 6:12

Den pissan tonna iato sunmi tu Yesu male lako misa’ tanete la massambayang. Iato bongi iato, situ’turan bang Ia bongi massambayang langngan Puang Matua.

YOHANES 4:34

Nakuami Yesu ungkuanni: Iatu kandeKu, iamotu umpogau’ pa’poraianNa To ussuaNa’, sia ussundunni pengkaranganNa.

YOHANES 4:40

Iatonna sae lako Yesu tu to Samaria, napalakumi, kumua anNa torro sola; torromi dio duang allo.

YOHANES 6:24

Na iatonna tiromi to buda kumua tae’ dio tu Yesu sia ta’de duka tu anak gurunNa, kendekmi langngan lembang tu to buda, namale lako Kapernaum undaka’ Yesu.