LUKAS 4:34 - Sura' Madatu

³⁴ Popa’elo’nakan kami, la siapariki’ e Yesu, to Nazaret! SaeroKomika la ussanggangkan? Kuissan sia kumua mindaraKomi, iamora To masallo’ lu dio mai Puang Matua.

LUKAS 4:34 ပူးပေါင်းရင်းမြစ်များ

KADADIAN 3:15

La Kupaden tu kasiualiammu na iate baine sia bati’mu anna bati’na; iamo la unnisak-nisakki tu ulummu ammu totokki tu kambutu’na!

1 DATU 17:18

Ma’kadami lako Elia nakua: Umbamora la mipakuanna’, e taunNa Puang Matua? Rampokomi inde te banuangku la ma’pakilala diona salaku na kamumora napobannang anna mate tu anakku.

PA’PUDIAN 16:10

Belanna tae’ Mila unneloranni tu sumanga’ku tama lino to mate, sia tae’ Mieloranni tu to Mipakaboro’ unnisungi inan tang merambu.

DANIEL 9:24

Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.

MATIUS 8:29

Melalla-lallami sola duai nakua: La siaparaki’, e AnakNa Puang Matua? Iaraka Misae te, la saeKomi umpakario-riokanni dolo namane attunna?

MARKUS 1:24

nakua: E, Yesu to Nazaret, la siapariki’! La saeKomi ussanggangikan. Kutandai siaKomi, kumua mindaraKomi te, iamora To Sallo’ lu dio mai Puang Matua.

MARKUS 1:34

Budami tau Napamaleke tu nasanta’ ma’rupa-rupa saki sia buda deata masussuk Narambai, natae’ Natangga’i tu deata masussuk ma’kada-kada belanna natandai deata masussuk tu Yesu.

MARKUS 5:7

sia mukkun melalla-lalla umpemandui gamaranna nakua: La siapariki’, e Yesu, Anakna Puang Patodoranna! Massumpana’ ussa’bu’ sanganNa Puang Matua umpalakui lako Kalemi da’ amMi pakario-riona’.

LUKAS 1:35

Mebalimi tu malaeka’ lako nakua: Iamotu Penaa Masallo’ la songlo’ lako kalemu sia kamatotoranNa Puang Patodoranna unnonganniko, iamoto dadi iatu Pia la mudadian la disangai Pia masallo’ sia AnakNa Puang Matua.

LUKAS 4:33

Denmi lan banua pa’kombongan misa’ tau nataba deata masussuk, melalla-lalla nakua:

LUKAS 4:41

Buda tau nanii sun deata masussuk melalla-lalla lan mai kalena, nakua: Kamumo tu AnakNa Puang Matua. Nata’tanmi, tang Natangga’ ma’kada, belanna natandaimo, kumua inang iamotu Mesias.

LUKAS 8:28

Iatonna tiromi tu Yesu, melallak-lallakmi nasongka dio tingayoNa sia bassa’ bang metamba-tamba, nakua: La siapariki’ e Yesu, AnakNa Puang Patodoranna? Kupalaku lako Kalemi da Mipakario-riona’.

LUKAS 8:37

Napalaku nasangmi tau dio tondok Gerasa lako Yesu, kumua, anNa toyang-toyang dio mai kalena, belanna budamo kamatakuranna sola nasang. Malemi tu Yesu rokko lembang, Namale sule.

PENGGAURANNA RASULU’ 16:39

Saemi unnaran-naranni sola duai; anna solanni lako salian napalakui kumua anna soro’ lan mai tondok iato.

PENGGAURANNA RASULU’ 2:27

belanna tae’ Mila ussa’bianganni tu deatangku lan lino to mate, sia tae’ Mieloranni tu To masallo’Mi narua kasanggangan.

PENGGAURANNA RASULU’ 3:14

Mipeonganni kamu tu To maseropindan sia malambu’, ammi palakui tu to papatean dirampananankomi butung misa’ pa’kamasean lako kalemi.

PENGGAURANNA RASULU’ 4:27

Belanna tonganna tongan lan te tondok iate mangkamo sirampun tu sia Herodes na Pontius Pilatus sola to kapere’ na mintu’ bangsa Israel unnea Yesu To masallo’Mi, tu mangka Mitokko,

IBRANI 2:14

Iamoto belanna iatu mintu’ anak pada ma’rara ma’duku’, Ia duka unnala a’gan susito, kumua anNa bannang dio kamatean Nanii umputtai tu to untoe kuasa umpabu’tu kamatean, iamotu deata bulituk.

YAKOBUS 2:19

Anna iko te mupatongan kumua iatu Puang Matua, misa’ri. Melo duka. Na mintu’ deata bulituk umpatongan dukai, apa ma’parondo.

1 YOHANES 3:8

Iatu to umpogau’ kasalan, iamoto lu dio mai deata bulituk, belanna iatu deata bulituk inang umpogau’ kasalan dio mai mulanna. Iamo bannangnate, Nadipasombo tu AnakNa Puang Matua, kumua anNa Ia ussanggangi tu mintu’ pengkaranganna deata bulituk.

KADA OMBO’ LAKO RASULU’ YOHANES 20:2

natoei tu naga, ula’ tua, iamotu deata bulituk sia deata patua’ ba’tang sia narante bassi sangsa’bu taunna,

KADA OMBO’ LAKO RASULU’ YOHANES 3:7

Surasanni malaeka’ kombongan Filadelfia susite: Iamote tu kada lu dio mai Puang maindan sia tongan, tu untoe gontingna Daud, tu umbungka’i, nata’e misa’ tau ungkullei untutu’i, sia Ia untutu’i natae’ misa’ tau ungkullei umbungka’i: