LUKAS 4:25 - Sura' Madatu

²⁵ Apa Kukua tongan lako kalemi, kumua: Iatonna Elia, tonna titutu’ langi’ tallung taun annan bulanna, anna ra’pak padang lan mintu’ tondok; iatonna iato buda baine balu dio tondok Israel.

LUKAS 4:25 ပူးပေါင်းရင်းမြစ်များ

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

YESAYA 55:8

Belanna iatu tangnga’Ku tangia tangnga’mi, sia iatu lalanmi tangia lalanKu, kadanNa PUANG.

MATIUS 20:15

Tang sipatura’ka la ma’inaanna kalena umpamalei tu apangku? Ba’tu musuru mataraka, tu belanna aku te masokanna’?

LUKAS 10:21

Iatonna iato parannu penaanNa tu Yesu belanna Penaa Masallo’, nakua: Ma’kurre sumanga’Na’ lako Kalemi, O Ambe’, Puangna langi’ sola lino, belanna mintu’na te Misamboan to matarru’ sia to manarang, amMi pasomboi lako pia. O Ambe’Ku, belanna susimoto tu pa’poraiamMi dio oloMi.

ROMA 9:15

Belanna Nakua Puang Matua ma’kada lako Musa kumua: La maturu-turuNa’ untiro to Kukaturu-turui sia mamaseNa’ untiro to Kukamasei.

ROMA 9:20

Apa aku pissan mekutanana’: E tolino, mindako la umbali Puang Matua? Ma’dinraka tu apa ditampa la ma’kada lako to untampai kumua: Ma’apari ammu tampa susira’ te?

EFESUS 1:11

Lan dukamo Kalena tanii dipadadi mana’, dilampak unturu’ tanan penaanNa Puang Matua, tu umpakedo mintu’na, situru’ lalan pa’inaanNa.

EFESUS 1:9

Napasomboammiki’ tu rasia pa’poraianNa situru’ pangala inaanNa, tu inang lannamo penaanNa,

YAKOBUS 5:17

Iatu Elia pada bangsia a’ganta, apa lantuk tu passambayangna kumua da nasae uran, tae’mi nasae tu uran dio padang iato tallung taun annan bulanna.

KADA OMBO’ LAKO RASULU’ YOHANES 11:6

Kuasa ia sola duai la untampun langi’, kumua da nasae uran, ke tontongpi sola duai ma’nubua’, sia kuasa sola duai umpopendadi rara uai, sia umparampoi ma’rupa-rupa kasanggangan tu lino pempiran-piran, tu naporainna.