LUKAS 4:23 - Sura' Madatu

²³ Nakuami Yesu lako: Inang la mikua ungkuanNa’ te ponto bannang iate: E! to ma’dampi, pamalekei dolo tu Kalemi; iatu kiranginna dadimo dio Kapernaum, pogau’ dukami susito indete tondokMi.

LUKAS 4:23 ပူးပေါင်းရင်းမြစ်များ

MATIUS 13:54

Tonna rampomo lako tondok Nanii lobo’ Naada’imi tu tau lan lu banua pa’kombonganna, anna mangnga tu tau sia nakua: Umbara Ia Nanii te Tau iate unnalai tu kamatarrusan susito, sia iatu tanda mangnga?

MATIUS 4:13

Natampemi tu tondok Nazaret anna lu tama Kapernaum natorro dio, dio to’ randan tasik, nalili’na padangna Zebulon sola Naftali,

MATIUS 4:23

Malemi tu Yesu ullelei mintu’ tana Galilea mangada’i lan lu banua pa’kombonganna tau, sia umpa’peissanan Kareba kaparannuan diona ParentaNa Puang Matua sia umpasoro’ mintu’ saki sia rammun dio mai kalena tau.

MARKUS 6:1

Malemi tu Yesu dio mai, Narampo lako tondok Nanii lobo’; na iatu anak gurunNa undi urrundu’I.

LUKAS 2:39

Iatonna mangkamo umpogau’i tu mintu’na tu natuntunna Sukaran alukNa Puang Matua, sulemi lako Galilea, lako tondokna siamo dio Nazaret.

LUKAS 2:51

Malemi sule sola, Nasae lako Nazaret, mengkaola bang lako indo’Na sia ambe’Na. Apa iatu indo’Na napalan bang penaanna tu mintu’na kada iato.

LUKAS 4:16

Rampomi tu Yesu lako Nazaret, tu Nanii lobo’; iatonna allo katorroammo malemi tama banua pa’kombongan, susitu biasanNa, Nake’de’ la umbasa sura’.

LUKAS 4:31

Solo’mi rokko Kapernaum, tondok dio Galilea, naada’i tu tau dio lu, ke allo katorroan.

LUKAS 4:35

Nasarabaimi Yesu, Nakua: ma’loko-lokoko, pallaiko dio mai kalena. Nasongkammi deata masussuk tinde tau lan tangnga-tangngana tau, namane sun lan mai, tae’ bangra napatumba-tumbai.

LUKAS 6:42

Ma’apari ammu la kumuara lako siulu’mu: E sangmuane! Da’ito angku alai tu bulisak lan mai matammu, anna iko kalena nanii kayu sangbatang lan matammu? E belo puduk, alai dolo tu kayu sangbatang lan mai matammu, namane masero mukita unnalai tu bulisak lan mai matanna siulu’mu.

YOHANES 4:28

Natampemi tu bussona tinde baine, namale tama tondok sia nakua lako tau:

2 KORINTUS 5:16

Iamoto randuk te totemo tae’ misa’ duka tau kitandai diona a’gan tolinona. Ke susinna kitandaimi tu Kristus diona a’gan tolinona, apa totemo te tae’mo kitandai susito.