LUKAS 4:22 - Sura' Madatu

²² Natonganan nasangmi tau tu kadanNa sia napomangnga tu kada sun dio pudukNa umpabu’tu kapaimanan, nakuami tu tau: tang anaknaraka Yusuf te?

LUKAS 4:22 ပူးပေါင်းရင်းမြစ်များ

PA’PUDIAN 45:2

Tiakka’ tu penaangku la umpokada kada masokan, la ussengoanna’ datu, iatu lilaku susi peoki’na to malute mangoki’.

PA’PUDIAN 45:4

Takinni tu la’bo’mi dio aakmi, e lalong, situang kabarre-alloammi sia kamala’birammi.

SARAMBU PEADA’ 10:32

Iatu pudukna to malambu’ untandai tu apa dipopaiman, apa iatu pudukna to tang mekaaluk ussa’bu’ manna kada bulang leko’.

SARAMBU PEADA’ 16:21

Iatu to kinaa disangai to unnampui tangnga’ kinaa, sia kada mammi’ umpamatoto’ bisara.

SARAMBU PEADA’ 25:11

Iatu kada disa’bu’ melo butung bua appel bulaan dipadiong pindan salaka.

TOMANGADA’ 10:12

Iatu kada tassu’ dio mai pudukna to kinaa iamo umpabu’tuanni kamasokanan, apa iatu lilana tobaga unnampello’ kalena tu tobaga iato.

PA’TENDENG BALLO 5:16

Iatu mai lingarona kamatapparan manna, sia iatu mintu’ dio kalena mepasendena manna. Susimo a’ganna to tu andi’ pa’kaboro’ku, susimo garaganna to tu sangkalamma’ku e, mintu’ anak dara Yerusalem.

YESAYA 50:4

Nakamaseina’ Puangta PUANG kamalutean ma’kada, kumua angku issanni umpakatanai tu to bo’yo’: Napamillikna’ ke melambi’i, sia Napatanan tu talingangku, angku ma’perangi susito mai pia ma’guru.

LUKAS 2:47

Mintu’na tu tau urrangii tu kadanNa Puang Yesu, nakamangngai nasang tu kamanaranganNa sia mintu’ pebalinNa.

LUKAS 2:48

Iatonna tiromi indo’Na sola ambe’Na, tibaliangmi ara’na, nakuami tu indo’Na lako: E anakku, ma’apari Mupasusirakan to? Selang tongan penaangku sola ambe’Mu undaka’Ko.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

LUKAS 4:21

Naparandukmi ma’kada lako tau, Nakua: Iate allo iate malambi’mo allu’na te kada iate lan mai Sura’ rampo tama talingammi.

YOHANES 1:45

Siappa’omi Filipus tu Natanael, nakuami lako: Kikabu’tuimo tu nasura’ Musa lan Sukaran aluk tu diona a’ganNa sia mintu’ nabi, Iamotu Yesu, anakna Yusuf, to Nazaret.

YOHANES 6:42

Nakuami tinde tau: Tang Yesuraka te Tau te, anakna Yusuf, tu kitandai sia tu indo’ ambe’Na? Umba ia nakua Nama’kada te Tau iate kumua: Lu daoNa’ mai suruga?

YOHANES 7:46

Nakuami mebali tu to disua: Tae’pa ia naden len tau ma’kada susitu tau ia tu.

PENGGAURANNA RASULU’ 6:10

Apa tae’ nabelai tinde tau unneai tu kakinaan sia Penaa urrondongi ma’kada-kada.

TITUS 2:8

sia pa’peissananni tu kada tongan tu tang la disayunna, anna kasirisan tu balinta, belanna tae’ tu la nanii umpokada kadakeki’.