LUKAS 3:20 - Sura' Madatu

²⁰ naranganni pissanoi tu kakadakean iate napogau’ untarungku Yohanes lan pa’tarungkuan.

LUKAS 3:20 ပူးပေါင်းရင်းမြစ်များ

2 DATU 21:16

Sia ia duka tu Manasye umpatibollo buda rarana to tang sala tu naponnoan Yerusalem randuk dio mai biringna sae lako biring sangbalinna, senga’pito tu mintu’ kasalan tu nasua tu to Yehuda umpogau’i, napobannang umpogau’i tu apa kadake dio pentiroNa PUANG.

2 DATU 24:4

sia belanna diona rara to tang sala tu napatibollo, belanna umponnoi Yerusalem tu rara to tang sala. Anna mengkailing PUANG umpagarri’i.

2 OSSORANNA DATU 36:16

Apa natelle-telleora tau iato mai tu mintu’ pesuanNa Puang Matua sia nabelle’i tu kadanNa sia nabe’se tu nabinNa, naurungan sakendek-kendekna tu kare’dekan ara’Na PUANG, sae lako tae’mo nama’din dipamatana.

NEHEMIA 9:26

Apa iatu tau iato mai pabali-bali sia naeaKomi sia natibe lako boko’na tu sukaran alukMi sia napatei tu mai nabimMi, tu unnada’i la umpasulei tu tau iato mai lako Kalemi, sia umpogau’ apa tarru’ megi’giran.

YEREMIA 2:30

Tae’ gai’na Kubamba tu anakmi, inang tae’ namorai untarima peada’; iatu pa’dangmi ungkandemo mintu’ nabimmi susi singa ma’sa’mak.

MATIUS 4:12

Iatonna rangimi Yesu kumua dipa’petarungkuammo tu Yohanes, sulemi lako tana Galilea.

YOHANES 3:24

Belanna attu iato tae’pa nadipatama pa’tarungkuan tu Yohanes.

KADA OMBO’ LAKO RASULU’ YOHANES 16:6

Belanna mintu’ tau iato mangkamo umpato’do rarana mintu’ to masallo’ sia mintu’ nabi, amMi pairu’i rara tu tau iato mai. Iatu iannato sitondonmo penggauranna.