LUKAS 3:14 - Sura' Madatu

¹⁴ Dennomi surodadu mekutana lako, nakua: Na iatu kami, apara tu la kipogau’? Nakuami lako: Moi misa’ tau da mipakario-rioi, sia da mialai apanna tau sia pasilasan bangmi tu gadimmi.

LUKAS 3:14 ပူးပေါင်းရင်းမြစ်များ

KATASSURAN 20:16

Da’ musa’bi tang tongan lako padammu ma’rupa tau.

KATASSURAN 23:1

Da mupatale’ kareba tang tongan sia tae’ muma’din sa’bi kadake untundui kara-karana to sala.

SURA’ KATOMINAAN 19:11

Da miboko, da mima’kada tang tongan sia da misipakena len.

MATIUS 8:5

Iatonna male tama Kapernaum, saemi misa’ kamandang, mengkamoya-moya lako,

LUKAS 19:8

Ke’de’mi tu Zakheus nama’kada lako Puang, nakua: O Puang, sangsesena tongan bang tu iananku kuben to kalala’ sia iake denni apa-apanna tau kutangnga’ kualai, kupopellokkon penna’pa’ kupasuleanni lako.

LUKAS 3:10

Mekutanami tu to buda lako nakua: Iake susito, apa tu sipatu la kipogau’?

LUKAS 3:13

Nakuami Yohanes lako: Da mipala’bii mipalaku tu mangkanna disuangkomi.

PENGGAURANNA RASULU’ 10:7

Iatonna pa’demo tu malaeka’ nasipa’kadan, natambaimi da’dua tu kaunanna, namisa’ surodadu umpengkaolai Puang Matua, lan mai tu to biasa umparakai;

FILIPI 2:15

anna tae’ salami sia anna masallo’ penaammi, ammi dadi anak tang sayuanNa Puang Matua dio lu tu mai to kelok sia leko’, ammi pandala-dala lako kalena susito apa parrang lan te lino,

FILIPI 4:11

Tae’ kumua belanna kakuranganna’ angku ma’kada susito, apa iate aku te inang kupelada’imo umpasilasanni tu apa dio kaleku.

TITUS 2:3

Susi dukato tu mintu’ to matua baine, sipatu la ma’gau susito sikambi’ maserona, da nama’palele beko, da napa’anggoro’, sangadinna la umpa’guruan kameloan,

KADA OMBO’ LAKO RASULU’ YOHANES 12:10

Kurangi pole’omi misa’ gamara kapua dao suruga, ma’kada: Totemo nalambi’mo tu kamakarimmanan sia kamatotoran sia kadatuanna Kapenombanta, sia kuasanNa To Natokko, belanna tipembuangmo rokko tu to umpangrosoan mintu’ siulu’ta, tu umpangrosoanni dio oloNa Kapenombanta allo bongi.