LUKAS 24:51 - Sura' Madatu

⁵¹ Marassan bangsiapa umbura’i lindo masakke, nasisarakmo tinde tau, Nadiangka’ langngan suruga.

LUKAS 24:51 ပူးပေါင်းရင်းမြစ်များ

2 DATU 2:11

Iatonna marassan lumingka sipa’ulelean, ta’kala denmi misa’ kareta api sola darang api umpasisarakki sola duai. Susimoto tu kakendekanna Elia langngan suruga naputu’ talimpuru’.

MARKUS 16:19

Iatonna mangka ma’kada susito tu Puang Yesu lako tinde tau, tiangka’mi kendek langngan suruga, Naunno’ko’ dio kananNa Puang Matua.

LUKAS 24:50

Nasolammi lako salianna tondok sae lako Betania, Naangka’i tu limanNa, Nabura’i lindo masakke.

LUKAS 24:52

Sulemi tinde tau lako Yerusalem lendu’ parannunna penaanna.

YOHANES 20:17

Nakuami Yesu lako: Da mukaka’Na’ mai, belanna tae’pa Kukendek langngan Ambe’; apa laomoko lako mintu’ siulu’Ku, sia pokadanni kumua: La kendekNa’ langngan Ambe’Ku sia Ambe’mi, PuangKu sia Puangmi.

PENGGAURANNA RASULU’ 1:9

Iatonna mangka ma’kada susito, tiangka’Mi tonna mentiro lako tinde tau, anNa tileak tama gaun, natae’mo natiro tinde tau.

IBRANI 1:3

Iamo arrang kamala’biranNa Puang Matua sia bate rupanna A’ganNa sia Naria tu mintu’na tete dio kada kuasanNa; iatonna mangkamo umpogau’ kadiseroianna mintu’ kasalan, unno’ko’mi dio kananNa To patodoranna dao masuanggana.

IBRANI 4:14

Tu belanna den Tominaa Kapua ma’iringanta, tu umpasitarru’mo mintu’ langi’, Iamo Yesu, AnakNa Puang Matua, sipatu tatoe tu kapangakuan iato.