LUKAS 23:5 - Sura' Madatu

⁵ Napamakarra’ pissanorami tu kadanna, nakua: Umpatigega’ to buda te tau iate, lao ullilingi tondok Yudea unnada’i tau tempon dio mai Galilea sae inde te mai.

LUKAS 23:5 ပူးပေါင်းရင်းမြစ်များ

PA’PUDIAN 22:16

Iatu kamabukuangku marangkemo butung bibang, sia iatu lilaku la’ka’ lako lingaroku; amMi parokkona’ to’barra-barra’ kamatean.

PA’PUDIAN 57:4

Ia la umpasonglo’ pa’tunduan dao mai suruga sia ullendokanna’, sia umpakasiri’ to ullullu’na’. Sela Puang Matua la umpasonglo’ kamasokananNa sia kamanapparanNa.

PA’PUDIAN 69:4

Mata’ka’mo’ meongli’-ongli’, sia materrekmo tu barokoku, sia maraunmo tu matangku ma’penunu untayan Kapenombangku.

MATIUS 11:1

Iatonna upu’ Yesu umpepasananni susito lako tinde Anak gurunNa sangpulo dua, ke’de’Mi dio mai la lao mangada’i sia umpa’peissanan Kareba kaparannuan lan lu kotana tau.

MATIUS 2:1

Iatonna dadimo tu Yesu dio Betlehem, tana Yudea, tonna linona datu Herodes, saemi to patanda-tandan, to dio mai padang rampe matallo, lako Yerusalem,

MATIUS 27:24

Iatonna tiroi Pilatus kumua tae’mo gai’na tu kadanna, sangadi sakerangngan-rangnganna kamarekoan, naalami tu uai nabasei tu limanna dio tingayona to buda, nakua: Maserona’ aku dio mai raraNa te to malambu’: kamu rengnge’na!

MATIUS 4:23

Malemi tu Yesu ullelei mintu’ tana Galilea mangada’i lan lu banua pa’kombonganna tau, sia umpa’peissanan Kareba kaparannuan diona ParentaNa Puang Matua sia umpasoro’ mintu’ saki sia rammun dio mai kalena tau.

MARKUS 1:14

Iatonna dipa’petarungkuammo tu Yohanes, saemi Yesu lako tana Galilea umpatiranda kareba kaparannuan lu dio mai Puang Matua.

LUKAS 11:53

Tonna sunmo tu Yesu lan mai, randukmi pandita Sura’ sia to Farisi umpa’pekitananNi tu kare’dekanna ara’na, naparessa-ressa tonganNi tu diona buda aluk;

LUKAS 23:23

Apa tae’ napaka’tui metamba umpekapuai gamaranna, natuntunni bang tu Yesu la dia’ta’ na samasarrang-sarrangna bang tu petambana tau.

LUKAS 23:6

Iatonna rangimi Pilatus tu iannato napekutanammi kumua: to Galilearaka te tau iate;

YOHANES 1:43

Iatonna masiang to la malemi lako Galilea; Nasiappa’ Filipus. Nakuami ungkuanni: Undiko urrundu’Na’.

YOHANES 19:15

Apa ramban tu tau metamba nakua: Tombonni lao, tombonni lao! a’ta’I Ia tu! Nakuami Pilatus ungkuanni: Sipaturaka la kua’ta’ tu datummi? Nakuami mintu’ pangulu to minaa mebali: Tae’ kami datungki senga’na, ia manna tu datu kapua.

YOHANES 2:11

Iamo te tu bunga’na tanda kalle-kallean tu Napogau’ Yesu dio Kana tana Galilea, sia umpa’pekitanan kamala’biranNa; napatonganmi anak gurunNa.

YOHANES 7:41

Sia nakua tu to senga’: Iamo te tu Mesias. Den pole’o tu senga’na kumua: Ma’apai nala bu’tu dio mai Galilea tu Mesias?

YOHANES 7:52

Mebalimi tu tau sia nakua ungkuanni: To Galilea dukarokoka pale’? Pemarangai sia tiroi, kumua tae’ ia misa’ nabi bu’tu dio mai Galilea.

PENGGAURANNA RASULU’ 10:37

Miisanmo tu apa dadi lan lili’na Yudea, tempon dio mai Galilea, tu undinna na iatu pa’dioran napa’peissanan Yohanes,

PENGGAURANNA RASULU’ 23:10

Iatonna bu’tumo kasisakkan kapua, mataku’mi tu kamandang, kumua nasikabittingi manii tau tu Paulus, nasuai tu surodadu lao ussabakki lan mai tangngana tau, nabaai tama tangsi.

PENGGAURANNA RASULU’ 5:33

Iatonna rangii tinde tau te kada iate, lendu’mi re’dekna ara’na sia la morai umpatei tu mai rasulu’.

PENGGAURANNA RASULU’ 7:54

Iatonna rangii tinde tau tu iannato, re’dekmi ara’na sia singgarigi’-rigi’ isinna untiroi.

PENGGAURANNA RASULU’ 7:57

Apa maramba tu tau umpemandui gamaranna, sia untampun talinganna, napada ta’pa ulla’ka’i.