LUKAS 23:41 - Sura' Madatu

⁴¹ Ia kita tu kitanna sipatuki’, belanna natumangki’ penggauranta anta dipakario-rio, apa iate Tau iate moi misa’ duka tu penggauranNa tae’ sala.

LUKAS 23:41 ပူးပေါင်းရင်းမြစ်များ

2 OSSORANNA DATU 33:12

Apa iatonna lan kapussakan, undaka’mi kamaturu-turuanNa PUANG, Kapenombanna, sia umpamadiongan tongan kalena dio oloNa Kapenombanna nene’ to dolona;

EZRA 9:13

Iatonna mangkamo tu mintu’ apa iato rampo lako kaleki napobua’ penggauran kadakeki sia kasalan kapua, anna Kamu, o Kapenombangki, umpasosso’i tu ukungan sipatunna la urrampoikan, sia ungkamaseangkan buda tongan tau dirampanan,

NEHEMIA 9:3

Iatonna bendanmo tu tau iato mai dio inanna, nabasami tau lan mai sura’ Sukaran alukNa PUANG, Kapenombanna, sangtepo allo, anna mangaku sala sangtepo allo sia tukku menomba dio oloNa PUANG, Kapenombanna.

DANIEL 9:4

Massambayangmo’ langngan PUANG, Kapenombangku sia mangaku sala, kukua: O Puang, Puang Matua pasareongan sia metakuran, tu ungkanana’i basse sia kamasokanan lako tu mintu’ to ungkamali’Komi sia ungkaritutui pepasanMi.

MATIUS 27:19

Iatonna unno’ko’ tu Pilatus dao kadera nanii unno’ko’ mangra’ta’ kara-kara, mesuami tu bainena lako umpokadai kumua: Da mipatumba-tumbai tu to malambu’; belanna ba’tu pempiranmo kutibuang-buangan te allo iate lan tindoku tu diona Ia.

MATIUS 27:24

Iatonna tiroi Pilatus kumua tae’mo gai’na tu kadanna, sangadi sakerangngan-rangnganna kamarekoan, naalami tu uai nabasei tu limanna dio tingayona to buda, nakua: Maserona’ aku dio mai raraNa te to malambu’: kamu rengnge’na!

MATIUS 27:4

nakua: Madosana’, belanna ussorong rarana to tang kasalan. Apa nakua tu tau: Apara kami la kiissan? Iko iko rengnge’na.

MATIUS 27:54

Iatonna tiroi kamandang sia iatu mai to nasisolan ungkampai Yesu tu lino’ sia iatu mintu’ apa dadi, lendu’mi mataku’na, nakua: Manassa AnakNa Puang Matua te Tau iate.

LUKAS 23:40

Apa mebali tu misa’ sia nata’tan, nakua: Tae’ bangraka iko mumataku’ lako Puang Matua, anna pada muperasaimo tu kamaparrisan?

LUKAS 23:42

Nakuami lako Yesu: O Puang, kilalaina’ dikka’, ke tamaKomi ParentaMi!

1 TESALONIKA 2:10

Kamu ungkanassai sia Puang Matua duka, tumba masallo’na sia malambu’na sia tang sayuanna tu gau’ki lako kamu ma’patonganna.

YAKOBUS 4:7

Sorongkomi kalemi lako Puang Matua, ammi eai tu deata bulituk, nasorong boko’ dio mai kalemi.

1 PETRUS 1:19

sangadinna rara mala’bi’Na Kristus, tu butung rara anak domba tae’ sayuanna sia tae’ attanganna.

1 PETRUS 2:23

iatonna disere kadai, tae’ anNa papakkanni sere kada, sia iatonna rampoi kamaparrisan, tae’ anNa ma’pakarrang, sangadinna Nasorong lako Puang tu iannato, tu tang pakayun bimbang umpaolai salunna.