LUKAS 22:62 - Sura' Madatu

⁶² Sunmi tu Petrus naunnade-ade tumangi’.

LUKAS 22:62 ပူးပေါင်းရင်းမြစ်များ

PA’PUDIAN 38:18

Belanna madomi’mo’ la tobang, sia iatu kamasussangku dio bangmo tingayoku.

YEREMIA 31:18

Tonganna Kurangi tu Efraim sumarro, nakua: Mangkamo’ Mipa’dikki, sia dipa’dikkina’ susi sapi mangura tu tae’pa nadipamanaran; patoba’na’, angku mengkatoba’, belanna Kamumo, o PUANG, Kapenombangku.

YEHEZKIEL 7:16

Moi anna denpa ba’tu pira-pira tilendok tu tau iato mai, manassa la susi bu’ku’ dao lu buntu, tu sae diong mai lombok; iatu tau iato mai sola nasangi pantan sumarro belanna kakadakeanna.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

MATIUS 26:75

Tilanta’mi lan penaanna Petrus tu kadanNa Yesu kumua: Tae’pa naunnoni manuk, ammu peonganniMo’ pentallun. Sunmi naunnade-ade tumangi’.

MATIUS 5:4

Maupa’ tu mintu’ to masussa, belanna tau iato la dipakatana.

MARKUS 14:72

Ma’kukkua bang siami duka tu manuk unnoni ma’penduan to attu iato. Tilanta’mi lan penaanna Petrus tu kada Napokada Yesu lako, to kumua: Tae’pa napenduan manuk unnoni ammu peonganniMo’ pentallun. Iatonna kilalai to, tumangi’mi.

LUKAS 22:61

Messailemi Puang namentiro lako Petrus, nakilalaimi Petrus tu kadanNa Puang, tu Napokadanna lako, kumua: Tae’pa naunnoni manuk te bongi iate, ammu peonganniMo’ pentallun.

LUKAS 22:63

Iatu mintu’ to ungkampai natelle-telle tu Yesu sia nakambei;

1 KORINTUS 10:12

Iamoto minda-minda tu ussanga kalena bendan, la napengkilalai da’ anna tobang.