LUKAS 22:44 - Sura' Madatu

⁴⁴ Lanmo kamaparrisan kapua na samukkun-mukkunNa massambayang. Sia iatu ma’pu’Na, susito rara pantan to’do rokko padang.

LUKAS 22:44 ပူးပေါင်းရင်းမြစ်များ

YESAYA 53:10

Apa nakalo’ penaanNa PUANG la ussanggangi sia umpa’dikki. Iake mangkami ussorong sunga’na diposuru’ pangakuan sala, la untiromo bati’ sia malambe’ sunga’na, anna lalo mana’pa tu pa’poraianNa PUANG tete dio limanna.

BATING 1:12

Tae’raka, misa’dingi, e kamu mintu’ to lendu’? Pemarangai sia tiroi, ke la denni misa’ pa’di’ susi pa’di’, tu diparampoanna’, tu urruana’ tonNa parampoina’ PUANG kamandasan, tonna allo kare’dekanna ara’Na.

LUKAS 22:45

Iatonna malimbangunmo tonna mangkamo massambayang, saemi lako anak gurunNa, Naappa’i mamma’ bangmo, belanna masussa penaanna.

YOHANES 12:27

Totemo te lendu’ rossona tu penaangKu; apara la Kupokada? la Kukuaraka: O Ambe’, karimmanniNa’ dio mai te attu iate! Tae’, apa iari to angKu lambi’i te attu iate.

ROMA 8:32

Ia duka Ia tang umbudanan AnakNa sangadinna Nasorong belanna kita sola nasang, ma’apai Nala tang umpa’kamaseanni tu mintu’na sisola tu AnakNa lako kaleta?

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;