LUKAS 22:41 - Sura' Madatu

⁴¹ Umpamambela-belami Kalena dio mai anak gurunNa agi-agi nalambi’ pa’piring Namane malinguntu’ Namassambayang,

LUKAS 22:41 ပူးပေါင်းရင်းမြစ်များ

MATIUS 26:39

Malemi sanglengko-lengko, Namalinguntu’ massambayang, Nakua: O Ambe’, ke ma’dinni amMi lendokanni te irusan iate dio mai Kaleku; apa iatu iannato tangia pa’poraiangKu tongan, sangadinna pa’poraiamMi.

MARKUS 14:35

Malemi mambela-bela sidi’, Natukku malinguntu’ rokko padang sia massambayang kumua, ke ma’dinni anna tilendok dio mai Kalena tu attu iato.

LUKAS 18:11

Ke’de’mi tu to Farisi massambayang lan penaanna, nakua: O Puang Matua! ma’kurre sumanga’na’ lako Kalemi, belanna aku te tae’ kususi to senga’, to unnalai bang apanna tau, ba’tu to matampo, ba’tu to pasandak salu lako rampanan kapa’, ba’tu susite passima iate;

LUKAS 18:13

Iatu passima mambela-bela tu nanii ke’de’, moi mentingara langngan langi’ tae’ nasarai, sangadinna ussa’pa-sa’pa ara’na, nakua: O Puang, ala masena’, aku te misa’ to kasalan!

PENGGAURANNA RASULU’ 20:36

Iatonna ma’kada susito tu Paulus, malinguntu’mi namassambayang sola tu tau mintu’.

PENGGAURANNA RASULU’ 21:5

Iatonna upu’mo tu allo katorroangki inde to dio, sunmokan la umpatarru’ kapassombarangki; sangsunammi sola bainena sia anakna unnanta’kan sae lako salian tondok, angki malinguntu’ massambayang dio randan tasik.

PENGGAURANNA RASULU’ 7:60

Malinguntu’mi nametamba umpemandui gamaranna nakua: O Puang, da Mipopa’indo’i te kasalan iate lako te mai tau! Tonna mangka ma’kada susito, manglessurammi.

PENGGAURANNA RASULU’ 9:40

Apa na sua nasang Petrus sun tu tau, namalinguntu’ massambayang, namessaile lako to’ to mate, nakua: E Tabita, malimbangunko! Nabidarammi tu matanna, sia iatonna tiroi tu Petrus, unno’ko’mi.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;