LUKAS 22:33 - Sura' Madatu

³³ Nakuami Petrus lako: O Puang, inang kupatutumo tu penaangku, la ussisolangKomi moi tama pa’tarungkuan moi lako dipomatena.

LUKAS 22:33 ပူးပေါင်းရင်းမြစ်များ

SARAMBU PEADA’ 28:26

Minda-minda tu urrannuan kalena penaanna, iamo tobaga, apa minda-minda unnola lalan kakinaan, la tilendok,

YEREMIA 10:23

Kuissan, o PUANG, kumua iatu lalanna tolino, tae’ napangeloranna kalena sia tae’ nakuasa male umpapatui tangkena.

YEREMIA 17:9

Iatu penaa mandu patangnga’ na iatu mintu’ apa, sia pasanggang; mindara ma’din la untandai?

MATIUS 20:22

Mebalimi Yesu sia Nakua: Tae’ mitandai tu apa mipalaku. Ma’dinraka la miiru’ tu la Kuiru’na lan mai irusan? Nakuami lako: Ma’din.

MARKUS 14:29

Nakuami Petrus lako: Moi mo’dong penaa nasangi tinde mati’, apa aku aku tae’.

MARKUS 14:31

Apa nakuaora ma’kada: Moi angku pada mate Puang, inang tae’ angku la umpeonganni lenKomi. Susi dukato tu kadanna tinde tau sola nasangi.

LUKAS 22:34

Apa Nakua lako: E Petrus! Kukua mati’, ia bangsiamote bongi iate, tae’pa naunnoni manuk, ke tae’pi mupentallun meongan kumua, tae’ mutandaiNa’.

LUKAS 22:57

Apa napeonganni, nakua: E baine, tae’ aku kutandai tu Tau iatu!

YOHANES 13:38

Nakuami Yesu mebali: Morairokoka ussorong penaammu belanna Aku? Tonganna tongan Kukua mati’: tae’pa naunnoni manuk, mupeonganniMo’ pentallun.

PENGGAURANNA RASULU’ 21:13

Nakuami Paulus mebali: Apara ga’imi tumangi’ sia umparanggang penaangku? belanna aku te kukaringnganan tangia dipungo manna sangadinna dipatei duka dio Yerusalem tu belanna sanganNa Puang Yesu.