LUKAS 22:32 - Sura' Madatu

³² apa mangkamoko Kupassambayangan, da napinda tu kapatonganammu, dadi iammu mangkamo mengkatoba’, pabatta’i tu penaanna mintu’ siulu’mu.

LUKAS 22:32 ပူးပေါင်းရင်းမြစ်များ

MATIUS 18:3

sia Nakua: Tonganna tongan Kukua mati’, iake tae’i mipasondai penaammi, midadi pia, dennoraka mila tama len Parenta Suruga?

MATIUS 26:75

Tilanta’mi lan penaanna Petrus tu kadanNa Yesu kumua: Tae’pa naunnoni manuk, ammu peonganniMo’ pentallun. Sunmi naunnade-ade tumangi’.

MARKUS 14:72

Ma’kukkua bang siami duka tu manuk unnoni ma’penduan to attu iato. Tilanta’mi lan penaanna Petrus tu kada Napokada Yesu lako, to kumua: Tae’pa napenduan manuk unnoni ammu peonganniMo’ pentallun. Iatonna kilalai to, tumangi’mi.

MARKUS 16:7

Apa laomokomi, mipokadai, lako mintu’ anak gurunNa sia lako Petrus, kumua Nadoloimokomi male lako Galilea; diomo la minii ungkitaI susitu kadanNa lako kalemi.

LUKAS 8:13

Na iatu diona to’ batu, iamotu tau untarimai, ke narangii sia parannu len penaanna; apa tae’ namennuaka’ lan penaanna, sangadi napatongan sangattu’ bangri, ianna rampoi peroso, tikkondo’mi penaanna.

YOHANES 14:19

Tae’mora namasai anna tae’mo natiroNa’ issinna te lino, apa kamu te mitiroNa’, belanna tuoNa’ sia kamu duka la tuokomi.

PENGGAURANNA RASULU’ 3:19

Iamoto menassankomi sia mengkatoba’ anna dibasei tu kasalammi sia kumua anna den tu attu kamanamanan dio mai oloNa Puang,

ROMA 8:32

Ia duka Ia tang umbudanan AnakNa sangadinna Nasorong belanna kita sola nasang, ma’apai Nala tang umpa’kamaseanni tu mintu’na sisola tu AnakNa lako kaleta?

ROMA 8:34

Mindara umpakannai ukungan? AnNa Kristus Yesu Ia tu mangka mate, ontongpi mangka dipamalimbangun sule, sia dio kananNa Puang Matua, sia umpa’kadangki’.

2 TIMOTIUS 2:18

tu sepangmo dio mai kamanapparan, sia nakua kumua iatu kamalimbangunanna to mate dadimo, na ba’tu pira-pira tu tau napatibalik tu kapatongananna.

TITUS 1:1

Iate sura’ lu dio mai Paulus, taunNa Puang Matua sia rasulu’Na Yesu Kristus belanna kapatongananna mintu’ to Natonno’ Puang Matua, sia belanna kapaissanan diona kamanapparan, tu situru’ kamengkaolan lako Puang Matua,

IBRANI 12:15

Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

IBRANI 7:25

Iamo bannangna to anNa belai ungkarimmanni sundun mintu’ to umpentireke’i Puang Matua tete dio Kalena, belanna tontong bang Ia tuo umpalakuanni pa’tunduan tu tau iato mai.

1 PETRUS 1:1

Iate sura’ lu dio mai Petrus, rasulu’Na Yesu Kristus, diparampo lako mintu’ to ditonno’, iamoto naala bilanganna to tisambo’ mekaletteran utan dio lu Pontus sia Galatia sia Kapadokia sia Asia sia Bitinia,

1 PETRUS 1:13

Iamoto pamataranni tu tangnga’mi sia maingarangkomi sia rannuan tongan-tonganni tu pa’kamasean la diparampo lako kalemi, ke attunnami sombo tu Yesu Kristus.

1 PETRUS 1:5

tu Narinding pala’ kuasanNa Puang Matua tete dio kapatonganan lu lako kamakarimmanan tu diparandan la dipasombo, ke attu ma’katampakanna.

2 PETRUS 3:14

Iamoto, e pa’kaboro’ku, tayanni tu mintu’nato sia pengkullei, ammi diapparan torro marampa’ tang attangan sia tang sayuan dio oloNa Puang, miurunganni marampa’.

1 YOHANES 2:19

Messarakmo dio mai kaleta tu tau iato mai, apa inang tangia solata, belanna iake solatai tae’ nasalai tang mari’pi ussisolangki’; apa messarak ia anna payan kumua tae’ na ia nasang solata.