LUKAS 22:31 - Sura' Madatu

³¹ Nakuami Puang: E Simon, Simon, lendu’ nakabarinna deata bulituk la unta’piikomi susi barra’,

LUKAS 22:31 ပူးပေါင်းရင်းမြစ်များ

YESAYA 28:28

Iatu gandung dilullu’raka sae lako manisakna; tae’ sia natontong bang dilullu’. Moi anna palullu’i lentenan kareta sia darang, tae’ sia nadipemanissakki.

AMOS 9:9

Belanna manassa la mesuaNa’, sia la kuseno tu bati’na Israel dio lu mintu’ bangsa, susi to usseno benoan, anna moi sanglise’ batu’-batu’ tae’ la tobang rokko padang.

ZAKHARIA 3:1

Undinnato Napakitammo’ tu Yosua, tominaa kapua, bendan dio olona Malaeka’Na PUANG, anna bendan tu deata bulituk dio sa’de kananna la umparapa’i.

MATIUS 26:30

Iatonna mangkamo umpopenani pa’pudian, sunmi namale ma’palulako buntu Zaitun.

MATIUS 4:10

Pakalan Nakuami Yesu lako: Sumarombonko mallai, e deata bulituk, belanna den disura’ kumua: La menombako lako Puang Totumampamu sia Ia mammo mupekapuangi.

LUKAS 10:41

Mebalimi Yesu lako, Nakua: E Marta, Marta, masussa bangko iko sia buda tu nakita penaammu.

PENGGAURANNA RASULU’ 9:4

Songkami rokko padang, anna rangii tu gamara umpa’kadai kumua: E Saulus, Saulus, ma’apari mupakario-rioNa’?

1 KORINTUS 5:5

la tasorong tu to susito lako deata bulituk tete dio sanganNa Puangta Yesu, nasanggang tu pa’kaleanna, anna makarimman tu penaanna, ke alloNa Puang.

2 KORINTUS 2:11

kumua da’ nasau’ tangnga’ki’ deata bulituk, apa tang taissanpiraka tu lalan penaanna.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

KADA OMBO’ LAKO RASULU’ YOHANES 12:10

Kurangi pole’omi misa’ gamara kapua dao suruga, ma’kada: Totemo nalambi’mo tu kamakarimmanan sia kamatotoran sia kadatuanna Kapenombanta, sia kuasanNa To Natokko, belanna tipembuangmo rokko tu to umpangrosoan mintu’ siulu’ta, tu umpangrosoanni dio oloNa Kapenombanta allo bongi.