LUKAS 22:17 - Sura' Madatu

¹⁷ Iatonna alami Yesu tu irusan misa’, ma’kurre sumanga’Mi, sia Nakua: Alai te mitaataai sola nasangkomi.

LUKAS 22:17 ပူးပေါင်းရင်းမြစ်များ

PA’PUDIAN 116:13

La untadedanganna’ irusan tanda kadilendokan, angku meongli’ ussa’bu’ sanganNa PUANG.

PA’PUDIAN 23:5

Kamumo umpalennaranna’ sandukanku, nakadongai mintu’ ualingku; sia Kamumo umbolloi minna’ tu ulungku, sebo tu irusangku.

YEREMIA 16:7

Sia tae’ tau sae unti’pek-ti’pek roti tanda maindunna la umpakatana to kamatean, sia la umbenni pangiru’ pa’pakatana, moi anna ambe’na ba’tu indo’na.

MATIUS 14:19

Nasuami tu to buda unno’ko dio to’ riu; Naalami tu roti lima na bale da’dua, Namentingara langngan langi’ sia massambayang, Namane untepu-tepui tu roti, Nabenni anak gurunNa, na anak gurunNa umben pole’i to buda.

MATIUS 15:36

Naalami tu roti pitu sia iatu bale, Nama’kurre sumanga’ Natepu-tepui, Nabenni anak gurunNa, na anak gurunNa pole’ o umbenni to buda.

MATIUS 26:26

Iatonna marassanmo kumande, Naalami Yesu tu roti Nasambayangi, Namane untepu-tepui Nabenni anak gurunNa sia Nakua: Alami, mikandei, iamote tu batang kaleKu.

MARKUS 14:22

Marassanmo kumande, Naalami Yesu tu roti Nasambayangi, Natepu-tepui Nabenni, Nakua: Alami, mikandei, iamote tu batang kaleKu.

LUKAS 22:19

Naalami tu roti Nama’kurre sumanga’, Natepu-tepui anNa benni, Nakua: Iamote tu batang kaleKu, tu dipa’bengan belanna kamu: Pogau’mi susite minii umpengkilalaiNa’.

LUKAS 9:16

Naalami Yesu tu roti lima na bale da’dua. Namentingara langngan langi’ sia massambayang, Namane untepu-tepui, Nabenni anak gurunNa, anna patorroi dio tingayona to buda.

ROMA 14:6

Minda-minda tu ungkasiri’ allo, diona Puang nanii ungkasiri’i, sia minda-minda tu ungkandei, diona Puang nanii ungkandei, belanna ma’kurre sumanga’ lako Puang Matua; sia minda-minda tu tang ungkandei, diona Puang nanii tang ungkandei sia ma’kurre sumanga’ duka lako Puang Matua.

1 KORINTUS 10:16

Iatu irusan pa’kurre sumangasan tu takurre sumanga’i, tang iaraka to tu umpasirapuki’ raraNa Kristus? Sia iatu roti tatepu-tepu, tangiaraka umpasirapuki’ Kalena Kristus?

1 KORINTUS 11:23

Belanna iatu atoran mangka kutarima kalena dio mai Puang, ia dukamo kusorong lako kalemi, to, kumua iatonna bongi kadisoronganNa tu Puang, Naalami tu roti;

PA’TOLE 8:10

La kumandeko, ammu dia’ sia la mupudi tu PUANG, Kapenombammu, belanna diona tu tondok melo, Nakamaseangko.

1 SAMUEL 9:13

Iammi tama kota, ma’din siapa miappa’, namane kendek langngan inan madao la kumande. Belanna tae’pa nala kumande tu tau iato mai, ke tae’pi nasae, apa ia la umpassakkei tu kande pemala’ iato; mangkato namane kumande tu mintu’ to ditambai. Melo kendekmokomi totemo, belanna attu ia bangsiamote ammi la sitammu.