LUKAS 21:37 - Sura' Madatu

³⁷ Iake allona mangada’imi tu Yesu lan Banua Kabusungan, apa iake bonginna sun Nama’bongi dao tanete, disanga buntu Zaitun.

LUKAS 21:37 ပူးပေါင်းရင်းမြစ်များ

ZAKHARIA 14:4

Allo iato la mellese tu lette’Na dao buntu Saitun, tu dio tingayo Yerusalem rampe matallona; attu iato iatu buntu Saitun la tipa’dua ma’palulako rampe matallo sia lako rampe matampu’, dadi misa’ lombok tarru’ kapua, iatu sesena buntu iato menono’ ma’palurekke, na iatu sangsesena pole’o menono’ ma’palusau’.

MATIUS 21:1

Iatonna mandappi’mo lako Yerusalem tonna rampomo lako Betfage, dio buntu Zaitun, Nasuami Yesu tu anak gurunNa da’dua,

MATIUS 21:17

Natampemi tu tau, Nasun lan mai tondok male lako Betania, Nama’bongi dio.

MATIUS 26:30

Iatonna mangkamo umpopenani pa’pudian, sunmi namale ma’palulako buntu Zaitun.

MATIUS 26:55

Tonna iato nakuami Yesu ungkuanni tu to buda: Takuakomi to la urrukka’ pa’gora’ ammi sun ma’la’bo’ sia ma’tarasulu’ la untingkanNa’? Keallo-keallo mangada’iNa’ lan Banua Kabusungan, anna tae’ra mitingkanNa’.

MARKUS 11:12

Iatonna masiang to, tonna sun lan mai Betania, ussa’dingmi tangdia’.

MARKUS 11:19

Iatonna makaroenmo sunmi lan mai kota.

MARKUS 14:49

Keallo-keallo misisolanNa’ lan lu Banua Kabusungan mangada’i; natae’ra mitingkanNa’; – apa tae’ nasalai tang disundunni tu dipokadanna lan Sura’ Madatu.

LUKAS 19:29

Iatonna reke’mi tu Betfage sia Betania dio buntu disanga Zaitun, Nasuami tu anak gurunNa da’dua,

LUKAS 19:37

Iatonna rampomo lako aa’ buntu Zaitun, randukmi parannu-rannu penaanna tu mintu’ anak gurunNa sia unnarak-arrak umpudi-pudi Puang Matua, belanna mintu’ kamatotoran mangka natiro,

LUKAS 19:47

Kiallo-kiallo mangada’i bang tu Yesu lan Banua Kabusungan; undaka’ toda bangmi ia lalan tu pangulu to minaa sia pandita Sura’ sia ia duka tu kapala, la morai ussanggangi;

LUKAS 22:39

Sunmi Namale lako buntu Zaitun, susitu biasanna, nasangundian tu anak gurunNa urrundu’I.

YOHANES 12:1

Annanpa allona namane pa’gauran Pasa, saemi tu Yesu lako Betania nanii Lazarus, tu Napamalimbangun Yesu dio mai to’ to mate.

YOHANES 18:2

Iatu Yudas, tu umpa’peturoanNi, natandai duka tu inan iato, belanna pembudamo tu Yesu sirampun sola anak gurunNa inde to.

PENGGAURANNA RASULU’ 1:12

Tonna mangkato sulemi tu mai rasulu’ lako Yerusalem dio mai tu buntu disanga Zaitun, sikandappi’ bangsia Yerusalem pada kalingkan ma’din dilingkai lan allo katorroan.