LUKAS 21:36 - Sura' Madatu

³⁶ Iamoto ma’penandakomi sia tontongkomi massambayang, sangapaoi ammi ma’din lessu’ dio mai mintu’na te tu la dadi undinna sia ammi mennolo lako Anak rampan dilino.

LUKAS 21:36 ပူးပေါင်းရင်းမြစ်များ

AYUB 27:10

Ma’dinraka umpoparannu To umpoissan angge maritik, sia metamba la massambayang langngan Puang Matua, lan mintu’ attu?

PA’PUDIAN 1:5

Iamo bannangna to anna tang untananni to tang mekaaluk umpennoloi kombong kalua’, sia iatu to kadake gau’ tang natanan duka umpennoloi tinimbu malambe’na to malambu’.

YEREMIA 35:19

iamoto nakua kadanNa PUANGna mintu’ ma’dandan maritik, Kapenombanna to Israel: Dio mai Yonadab, anakna Rekhab, tae’ nala ka’tu len tu tau bendan dio oloKu lan mintu’ allo.

MALEAKHI 3:2

Apa mindara ungkullei umpatananni tu allo kasaeanNa, sia mindara ma’din la bendan, ke somboI? Belanna susi api to ma’kombong sia susi sabun to ma’galantang.

MATIUS 24:42

Iamoto ma’penandakomi, belanna tae’ miisanni, umba allo nala sae tu Puangmi.

MATIUS 24:43

Apa miissan sia tu diona te kumua: Iake naissanni ampu banua umba attu nala sae to boko, tae’ natang ma’penanda sia tae’ napopa’elo’nai tu banuanna dilu’bakki.

MATIUS 24:44

Iamoto la marea dukakomi, belanna iatu Anak rampan dilino la sae lan attu tang mikapang-kapang.

MATIUS 25:13

Iamoto la ma’penandakomi, belan- na tae’ miissanni tu allona ba’tu attunna.

MATIUS 26:41

Ma’penandakomi sia massambayangkomi da naruakomi peroso; tonganna la morai tu penaa, apa langga’ tu kale.

MATIUS 8:20

Nakuami Yesu lako: Sindallung ia den sia lo’ko’na, sia mintu’na duka manuk-manuk den sia serangna, apa Anak rampan dilino Ia tae’ bang inan nanii ussurrukan ulunNa.

MARKUS 13:33

Mainga’ tongankomi, ma’penandakomi sia massambayangkomi, belanna tae’ miissanni, piranra tu attunna to.

MARKUS 13:37

Iatu kupokadannakomi, ia dukamo Kupokada lako mintu’ tau to kumua: Ma’penanda-nandakomi!

LUKAS 1:19

Mebalimi malaeka’ lako nakua: Akumote tu Gabriel, biasana’ bendan dio oloNa Puang Matua, nasuamo’ sae ussipa’kadangko umparampoi te kamauparan iate lako kalemu.

LUKAS 18:1

Napokadan pole’omi Yesu misa’ pa’pasusian lako tinde tau la umpamalesoi, kumua, sipatu tau la massambayang nenne’, da narayang.

LUKAS 20:35

apa iatu to disanga sipatu la umpomana’ lino undi sia katuoan sule, tae’mo nala kebaine sia dipakemuane,

LUKAS 21:35

Belanna la narua tu angganna to untorroi tana kalua’.

PENGGAURANNA RASULU’ 10:2

Iato tau iato umpengkaolai sia ungkasiri’ Puang Matua sola mintu’ to lan banuanna, umpa’bengan buda pa’kamase lako tau, sia tontong massambayang langngan Puang Matua.

1 KORINTUS 16:13

Mareakomi, tontongkomi tumanan umposissarean kapatonganan, umpapiamuanekomi kalemi, sia mawatangkomi.

2 KORINTUS 4:14

Belanna kiissan kumua iatu Puang Matua mangka umpamalimbangun Puang Yesu la umpamalimbangun dukakan sola tu Yesu sia umpopennolokan sola kamu.

KOLOSE 4:2

La tontongkomi lan kapassambayangan sia kanandai tu iannato mima’kurre sumanga’.

1 TESALONIKA 5:17

sia tang tore massambayang;

2 TIMOTIUS 4:5

Apa iatu iko mangingarangko lan mintu’na, pengkabatta’i tu kamaparrisan, pogau’i tu passanan tengko umpalolang Kareba-kaparannuan sia pasundunni tu pentoeammu.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

1 PETRUS 5:8

La mainga’komi sia matangkinkomi; iatu deata bulituk, balimmi susito singa umburrung-burrung lumiling, undaka’i minda tu la naamma’ kalebu.

1 YOHANES 2:28

Totemo te, e anakku, manda’komi lan Kalena, kumua iake dipasombomi, la unnappa’ki’ kabattaran sia tae’ tala kasirisan dio oloNa, ke attu kasaeanNa.

YUDAS 1:24

Na lako Puang, tu kuasa ungkarimmannikomi dio mai katitodoan, anNa popennolo tang sayuangkomi dio olo mala’bi’Na, situang kaparannuan kapua,

KADA OMBO’ LAKO RASULU’ YOHANES 11:4

Iamo sangrapang da’dua garonto’ saitun sia da’dua tongkonan palita, tu bendan dio oloNa Puangna lino.

KADA OMBO’ LAKO RASULU’ YOHANES 6:17

Belanna allo kapua, iamotu allo kasengkeanNa saemo; mindara la unnattai umpatananni?

KADA OMBO’ LAKO RASULU’ YOHANES 7:9

Undinnato kutiro den misa’ kasirampunan kapua, na moi misa’ tau tae’ nakulle umbilangi, tu lu dio mai mintu’ bangsa sia suku sia mintu’ to sangpetayanan sia mintu’ basa, bendan nasangmi dio olo isungan kapayungan sia dio oloNa Anak domba, ma’bayu lamba’ busa, sia lan limanna den palapa kambuno;

KADA OMBO’ LAKO RASULU’ YOHANES 8:2

Kutiromi tu pitu malaeka’ bendan dio oloNa Puang Matua, anna diben pitu tarompe’ pua.