LUKAS 21:35 - Sura' Madatu

³⁵ Belanna la narua tu angganna to untorroi tana kalua’.

LUKAS 21:35 ပူးပေါင်းရင်းမြစ်များ

KADADIAN 7:4

Belanna pitung allopa angKu pasae uran tama lino patangpulo allona patangpulo bonginna, na mintu’ angge menono’ tu mangka Kupadadi la Kusabu’i lan mai lino.

PA’PUDIAN 11:6

La Napauranni ruaya sia solo’ tu to tang mekaaluk, sia angin malallang tu taana tau iato mai.

TOMANGADA’ 9:12

Belanna iatu tolino tae’ duka natandai tu dalle’na, susito bale tiramban diala lan dalla’ sia susito manuk-manuk ditingkan lan porro’. Susi dukamoto tu mintu’ ma’rupa tau dipoya, lan attu kamandasan, ke ta’pa narampoi te iannate.

LUKAS 17:37

Mebalimi tinde tau lako nakua: Umbanii, Puang? Nakuami lako tu tau: Umba-umba nanii batang rabuk, iamo nanii pa’duku’ sirampun.

LUKAS 21:34

Kanandai tonganni, da namalilu tu penaammi napobua’ kamasalung-salungan sia kamalangoan sia umpengkaolai katuoan lan te lino, naurunganni tae’ bang nadikapang-kapang naalamokomi to allo iato susi misa’ poya.

LUKAS 21:36

Iamoto ma’penandakomi sia tontongkomi massambayang, sangapaoi ammi ma’din lessu’ dio mai mintu’na te tu la dadi undinna sia ammi mennolo lako Anak rampan dilino.

PENGGAURANNA RASULU’ 17:26

Misa’ri Nanii umpabu’tui tu mintu’na bangsana tolino, la untorroi tu mintu’ kuli’na padang, tonna mangka ullampakki tu mintu’ attu tituka’na lino sia katonan pellaoanna,

KADA OMBO’ LAKO RASULU’ YOHANES 16:15

Kilalai, kumua la saeNa’ butung to boko; maupa’ tu to ma’penanda-nanda anna karitutui tu tamangkalena, dikua da anna ma’kambelang sia da napayan tu kasirisanna.