LUKAS 21:19 - Sura' Madatu

¹⁹ ke umpatontong bangkomi penaammi, ungkarimmanni katuoammi.

LUKAS 21:19 ပူးပေါင်းရင်းမြစ်များ

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

PA’PUDIAN 40:1

Lu lakona pangala sengo. Misa’ pa’pudian natono’ Daud.

HABAKUK 3:16

Iatongku rangii tu iannato, ma’rundedemi tu ba’tengku, bannang dio oni iato anna ma’parondo tu pudukku, sia langgang tu bukungku, angku ma’parondo dio inan kunii bendan; moi susito la rapa’na’ umpeagii tu allo kapussakan, ke narampoi tu bangsa iato, tu ma’tuntunan sae ullaoikan.

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

MATIUS 24:13

Apa minda-minda tu mengkabatta’ sae lako ma’katampakanna, iamo la dikarimmanni.

LUKAS 8:15

Na iatu lu rokkona padang lunak, iamotu tau, ianna rangimi tu kada, napalanmi penaa matoto’na sia penaa malolona sia napatontong namembua melo.

ROMA 15:4

Belanna mintu’na tu apa disura’ dolomo, disurasammoki’ la mendadi pangadaran lako kaleta, kumua anna manda’ rannunta diona kama’tanan penaa sia diona pa’pakatana lan mai Sura’ Madatu.

ROMA 2:7

iamotu katuoan sae lakona Napapakkananni tu to umpengkaolai kameloan undaka’i tu kamala’biran sia kadipangkeran sia apa tang narandanna kasanggangan,

ROMA 5:3

Apa tangia manna to, sangadinna la ussattuan dukaki’ kamaparrisan, belanna taissan kumua iatu kamaparrisan umpabu’tu penaa kalebu,

ROMA 5:4

na penaa kalebu umpabu’tu kabattaran penaa, na kabattaran penaa umpabu’tu kapa’rannuanan;

ROMA 8:25

Apa iake urrannuangki’ apa tang mempayan lako kaleta, batta’ penaanta umpeagii.

1 TESALONIKA 1:3

Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

2 TESALONIKA 3:5

Anna Puangmora umpalulakoi pa’kaboro’Na Puang Matua sia kama’tanan penaanNa Kristus tu penaammi.

IBRANI 10:36

Belanna sipato’komi unnampui kabantangan penaa, dikua anna iake mangkamokomi umpogau’i tu pa’poraianNa Puang Matua, ammi appa’i tu apa diallu’.

IBRANI 6:11

Inde sia tu diongna penaangki, to kumua pantan umpa’pekitanangkomi kamasarasan susi dukato, miurunganni unnappa’ kapa’rannuanan sundun sae lako katampakanna,

IBRANI 6:15

Nasusito tonna mangka umpeagi ma’tan penaai, naappa’mi tu pangallu’ iato.

YAKOBUS 1:3

belanna mitandai, kumua iatu kadisudianna kapatonganammi umpabu’tu kabantangan.

YAKOBUS 1:4

Sipatu tu kabantangan la landa’ lako ma’kalolokanna, dikua ammi sundun sia tang attangan, nalan mintu’nato tae’mo sayuammi.

2 PETRUS 1:6

na kapaissanammi umpasombo kauntaloian kale; na kauntaloiammi kale umpasombo kabantangan; na kabantangammi umpasombo kapengkaolan;

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

KADA OMBO’ LAKO RASULU’ YOHANES 13:10

Minda-minda mangrampa tau, manassa la dirampa; minda-minda la umpatei tau unnoong pa’dang, tae’ nasalai tang dipatei duka pa’dang. Lan mintu’na te sipatu mintu’ to masallo’ umpa’pekitanan kabattaran sia kapatonganan.

KADA OMBO’ LAKO RASULU’ YOHANES 14:12

Lan mintu’na te sipatu mintu’ to masallo’ umpa’pekitanan kabattaran, iamotu to ungkaritutui mintu’ parentaNa Puang Matua, sia kapatonganan lako Yesu.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.