LUKAS 21:17 - Sura' Madatu

¹⁷ sia la nakabiri’komi mintu’ tau tu belanna sangangKu.

LUKAS 21:17 ပူးပေါင်းရင်းမြစ်များ

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

MATIUS 24:9

Attu iato la nasorongkomi tau la dipakario-rio sia la napateikomi tau, sia la nakabiri’komi mintu’ bangsa belanna sangangKu.

MATIUS 5:11

Maupa’komi ke nasayukomi tau sia napakario-riokomi sia napalele bekokomi naben tang gau’mi diona Aku.

MARKUS 13:13

La nakabiri’komi mintu’ tau tu belanna sangangKu; apa minda-minda tu mengkabatta’ sae lako ma’katampakanna, iamo la dikarimmanni.

LUKAS 21:16

Moi to matuammi sia siulu’mi sia sangdadiammi sia sangmanemi la naparapa’ dukakomi sia iatu kamu denkomi la napatei;

LUKAS 21:18

Apa moi sanglamba’ beluakmi tae’ nala matumba;

LUKAS 6:22

Maupa’komi, ke nakabiri’komi tau, sia ke nasarakkikomi sia nasayukomi sia nakanoka tu sangammi butung napopepayu belanna Anak rampan dilino.

YOHANES 15:19

Iakenna alakomi bilangan lan te lino, sipatu tu lino unnala mase apanna, apa belanna tae’ naalakomi bilangan lan te lino, sangadinna mangkamokomi Kupilei lan mai te lino, iamoto anna kabiri’komi te lino.

YOHANES 15:21

Apa mintu’na tu iannato la napogau’ lako kalemi belanna sangangKu; tu belanna tae’ natandai tu To ussuaNa’.

YOHANES 17:14

Kuparampomo tu kadamMi lako; anna kabiri’i issinna lino, belanna tae’ naalai bilangan lan te lino, susi Aku tae’ naalaNa’ bilangan lan te lino.

YOHANES 7:7

Tae’ nabelai tu issinna te lino la ungkabiri’komi, apa nakabiri’Na’ Aku, belanna Kukatottongi tu a’ganna, kumua kadake tu penggauranna.

PENGGAURANNA RASULU’ 9:16

Belanna la Kupakitan ba’tu pira-pira kamaparrisan tu sipatu la naperasai diona sangangKu.

2 KORINTUS 12:10

Iamoto angku porai tu kalanggaran sia kadisussaian sia kamaparrisan sia kadipakario-rioan sia kasumpuan belanna Kristus. Belanna iake langga’na’, attu iamoto angku matoto’.

2 KORINTUS 4:11

Belanna iate kami tuona te tontong bangkanni disorong lako kamatean tu belanna Yesu, kumua anna payan duka lan te kale la mate tu katuoanNa Yesu.

2 KORINTUS 4:5

Belanna tangia kaleki kipa’peissanan, sangadinna Kristus Yesu, kumua Iamotu Puang, na kami te kaunanmikan tu belanna Yesu.

FILIPI 1:29

Belanna mangkamo dipa’kamasean lako kalemi bannang dio Kristus, tangia kumua mipatongan mannai, sangadinna kumua miperasai dukai tu kamaparrisan diona Ia,

1 PETRUS 4:14

Iake ditellekomi belanna sanganNa Kristus, maupa’komi, apa Natorroikomi tu Penaa kamala’biran, iamotu PenaanNa Puang Matua untorroikomi.

KADA OMBO’ LAKO RASULU’ YOHANES 2:3

sia batta’ penaammu sia tang mata’ka’ko ma’patanan belanna sangangKu.