LUKAS 21:16 - Sura' Madatu

¹⁶ Moi to matuammi sia siulu’mi sia sangdadiammi sia sangmanemi la naparapa’ dukakomi sia iatu kamu denkomi la napatei;

LUKAS 21:16 ပူးပေါင်းရင်းမြစ်များ

YEREMIA 12:6

Belanna moi mintu’ siulu’mu sia mintu’ sangdadianna ambe’mu tang maruru’ lako kalemu, metamba tu tau iato mai dio boko’mu umpekapuai gamaranna; da mupatonganni, ke ma’kada mammi’i lako kalemu.

YEREMIA 9:4

Pada kanandaikomi kalemi dio mai solami sia da mirannuan moi misa’ siulu’ belanna iatu mintu’ siulu’ pa’pakenan sia lu lako lu dio mai ma’palele beko.

MATIUS 10:21

To siulu’ la ussorong penaanna siulu’na anna mate dipongko, sia ambe’ la ussorong penaanna anakna. Sia iatu mai pia la umbalibali indo’ ambe’na sia napa’pepatean.

MARKUS 13:12

To siulu’ la ussorong penaanna siulu’na anna mate dipongko, sia ambe’ la ussorong penaanna anakna; sia pia la umbali indo’ ambe’na sia napa’pepatean.

LUKAS 12:53

tonganna ambe’ la sisala anakna muane sia pia muane anna ambe’na, sia indo’na sisala anakna baine sia pia baine na indo’na, sia matusanna baine anna manintunna baine sia manintunna baine anna matusanna baine.

LUKAS 21:15

belanna la Kubenkomi kada sia kamanarangan, tu tang nalambi’na nabali ba’tu nagaga mintu’ to unnea- komi.

LUKAS 21:17

sia la nakabiri’komi mintu’ tau tu belanna sangangKu.

PENGGAURANNA RASULU’ 12:2

Napateimi tu Yakobus, siulu’na Yohanes, napakandei la’bo’.

PENGGAURANNA RASULU’ 7:59

Anna tumbui batu tu Stefanus tonna marassan metamba langngan Puang, nakua: O Puang Yesu, tarimai tu penaangku.

KADA OMBO’ LAKO RASULU’ YOHANES 12:11

Natalomo tau iato mai tu naga tete dio rara Anak domba sia tete dio kada nakatottongi; sia tau iato mai tae’ nadampang sunga’na moi sae lako matena.

KADA OMBO’ LAKO RASULU’ YOHANES 2:13

Kuissan umba tu munii torro, iamotu naninna isunganna deata bulituk. Mentoeko lako sangangKu sia tae’ mupeonganni tu kapatonganan lako Kaleku, moi iatonna attunna Antipas, sa’bi maruru’Ku, tu mangka dipatei dio tingayomi, dio inan nanii deata bulituk torro.

KADA OMBO’ LAKO RASULU’ YOHANES 6:9

Iatonna bungka’mi Anak domba tu ca’ ma’pellimanna, kutiromi diong to’ inan pemalaran tu mintu’ bombo mendeatanna to mangka dipatei belanna kadanNa Puang Matua sia belanna pa’katottongan natoe tau iato mai.