LUKAS 20:13 - Sura' Madatu

¹³ Mangkato, nakuami tu puangna tinde pa’lak: Apa siapa la kupogau’? La kusua tu anak kaboro’ku, umbai la nakasiri’ sia ke ia.

LUKAS 20:13 ပူးပေါင်းရင်းမြစ်များ

YESAYA 5:4

Apapara tu tang Kugauranni tu pa’lak anggoro’Ku? Matumbai tongKu peagi-agii tu bua anggoro’ anna bua langga’na manna bang?

YEREMIA 36:3

Den sia manii upa’ naperangii bangsa Yehuda tu mintu’ kamandasan tu Kusanga la Kuparampoanni, anna pada mengkatoba’ tu tau iato mai dio mai lalan kakadakeanna, angKu pa’dei kakadakeanna sia kasalanna.

YEREMIA 36:7

Den sia manii upa’ tu palakunna dipenomban dio oloNa PUANG, anna pantan mengkatoba’ tu tau iato mai dio mai lalan kadakena; belanna lendu’ kapuana tu kasengkeanNa sia kare’dekan ara’Na PUANG, tu Napakarranganni te bangsa iate.

YEHEZKIEL 12:3

Na iko, e ma’rupa tau, pasakka’i tu mintu’ apa parallu dio pa’paliran, sia la maleko butung to dipali’ ke allona dio pentirona tau iato mai; manassako la ke’de’ dio mai inanmu lako misa’ inan senga’ dio pentirona tau iato mai. Umbai la napalan penaa sia tau iato mai, belanna misa’i bati’ pabali-bali.

HOSEA 11:8

Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

HOSEA 6:4

Apara tu la Kugaurangko, e Efraim? Apara tu la Kugaurangko, e Yehuda? Belanna iatu kamamalirammu susi bang gaun melambi’ sia susi damo’ tu pa’de, ke mane berre’i allo.

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

MATIUS 3:17

Ta’kala saemi gamara dao mai langi’, nakua: Iamote tu Anak Pa’kaboro’Ku, tu Nanii kasendeangKu.

LUKAS 18:2

Nakua: Lan misa’ tondok den misa’ to mangra’ta’ kara-kara tae’ namataku’ langngan Puang Matua, sia tae’ bang tau nasanga moi misa’ duka.

LUKAS 18:4

Lendu’mo masainna moka bang tu to mangra’ta’ kara-kara, apa undinna nakuami lan penaanna: Moi natae’ kumataku’ lako Puang Matua sia moi tae’ bang tau kusanga misa’ duka;

LUKAS 20:12

Nasua pole’omi tu ma’pentallunna, apa nabangkei siao napembuanganni lako salian.

LUKAS 20:14

Apa iatonna tiromi tinde to ma’tesan, nasipada-padaimi, nakua: Indemo tu la umpoapai, maikomi tapatei, anna kita umpoapai tu apanna.

LUKAS 9:35

Narangimi tu gamara lan mai gaun, nakua: Manassa Iamo Anak Kutonno’ te, perangii.

YOHANES 1:34

Kukitamo angku katottongi kumua Iamo te tu AnakNa Puang Matua.

ROMA 8:3

Apa iatu tang nalambi’na Sukaran aluk, belanna langga’ diona pa’kalean, Napasundun Puang Matua, tu ussua AnakNa kaleNa unnala a’gan pa’kalean mengkaola lako kasalan, tu belanna iamoratu kasalan, anNa pakannai ukungan tu kasalan, lan pa’kalean,

GALATIA 4:4

Apa iatonna lambi’mi kagannaranna attu, Nasuami Puang Matua tu AnakNa tu dadi dio mai misa’ baine, tu dikianakan naonganni Sukaran aluk.