LUKAS 2:23 - Sura' Madatu

²³ susitu disura’ lan Sukaran alukNa Puang, kumua: Mintu’na pia’-pia’ muane tu bunga’na urrubak pa’tambukanna indo’na, iamoto tu disanga marimbangan lako Puang Matua,

LUKAS 2:23 ပူးပေါင်းရင်းမြစ်များ

KATASSURAN 13:2

Pamarimbanganni lako Kaleku tu mintu’ pa’bunga’, tu bunga’na urrubak pa’tambukan dio lu to Israel la to lino la patuoan; Aku tu Puangna.

KATASSURAN 22:29

Da mupatadangi tu bunga’ bura padangmu sia uai anggoro’mu lako Kaleku. Manassa la mubenNa’ tu pa’bunga’na dio mai mintu’ anakmu muane.

KATASSURAN 34:19

Mintu’na tu anak pa’bunga’ urrubak pa’tambukan Aku puangna, sia mintu’ patuoan lakimmu tu bunga’na dadi la sapi la iatu domba sia bembe’.

KADIBILANGAN 18:15

Mintu’ tu bunga’na urrubak pa’tambukanna indo’na dio mai kepenaanna, tu dipennoloan lako PUANG, dio mai ma’rupa tau ba’tu dio mai patuoan, la mupotaa; sangadinna iatu anak pa’bunga’na tolino sipatu la mula’bak, sia ia duka tu anak bunga’na patuoan maruttak sipatu la mula’bak.

KADIBILANGAN 3:13

belanna mintu’ anak pa’bunga’ taungKu nasang. IatongKu pata’pai lima tu mintu’ anak pa’bunga’ lan tondok Mesir, Kupamarimbanganan Kaleku tu mintu’ anak pa’bunga’ lan Israel la tau la olo’-olo’; apangKu nasang; Akumo tu PUANG.